屋子生活 (環境正野食麻麻)

係大圍附近有一間叫屋子咖啡，之前因為長年累月都好多人去排隊加上鋪頭勢頭勁， 所以佢擴充營業，係統烏溪沙開另一間分店，叫屋子生活，佢開鋪初期都已經超多人去幫親，星期六日去更加要排隊接近半個鐘以上先有位。呢間野相對屋子咖啡黎計已經大間左好多。

實情係呢間餐廳都係Sell佢既環境裝修， 首先具有塌塌米，加上佢的裝修同牆壁上都有想過度過，有好多靚既擺設，加上吊燈裝飾，影相都幾靚，你可以用Cafe黎形容佢，所以野食方面大家就唔好咁大期望。

人均消費：HKD$87

明太子飯團 ($82)

先講明太子飯糰明太子飯糰，一客有兩舊飯團，沙律，前菜，豆腐同湯。明太子飯糰車用薑作為材料，薑唔係個個都受得，好似我咁，就唔係十分鐘意，另外一舊飯糰係用上麥片，一人分量相當夠。好唔好食，我就只可以話超級麻麻，不過以Cafe計就算數啦。


吉列豬扒定食 ($76)

個吉列豬扒定食塊豬扒比較薄身，另配上有三款醬料，一隻係芥辣醬，另一隻係日本照燒醬，另一隻係沙律醬。其實三隻醬都唔似好Match 塊鞋同柴皮吉列豬扒，所以野食就算啦，佢碗飯就真係大，一個人食真係綽綽有餘。


Menu +  水


榻榻米地墊

講到呢間餐廳既賣點就係榻榻米地墊，佢一共有六張檯有榻榻米，但作為一個香港人坐榻榻米都比較辛苦，可能坐唔慣，不過影相又幾好睇。



吊燈


牆身

影相佢既擺設真係OK


Menu



好：食景同榻榻米
壞：一個飯或者飯團連加一都要成八九十蚊，其實都幾貴，呢間野我絕對唔會去第二次。

光顧日期：12 April, 2015

地址 : 馬鞍山烏溪沙路8號迎海薈地下4A舖
Openrice : http://www.openrice.com/restaurant/sr2.htm?shopid=444701

我個Facebook 會經常Update，可以Like 埋。 Facebook Link。

============================================

感謝 易風 提供以上資料

易風的網誌: http://yikfung.blogspot.hk/

============================================