攻略日期：2015-04-29
三月尾, 卡樂B推出一包有半個阿囝高度的Jumbo薯片, (其實是一個大包, 裡頭裝有十包正常薯片). 昨日經過OK又見類似Jumbo包裝, 二話不說又買了回家.
一帶回家, 一老一嫩即時唱雙王說:「咩嚟架爸爸咁大包...」, 「你又買咁大包薯片返嚟??上次嗰十包都未食晒, 阻住晒個廚房」(無所謂啦...我快快食晒佢米得囉!)
今次的Jumbo包裝, 與上次的不同, 因為內裡的四包卡樂B蝦條, 也是超大Size的. 我特意找來一包普通版作比較.
Jumbo蝦條Size相等於普通版2條半的份量, 看著Jumbo蝦條, 我覺得有點似一片藥水膠布... 兩者比較又似「瘦夠了嗎」的欣宜.
老人家比較愛大包裝後面的歷史回懷, 不過其實, 分別並不太大, 最大不同就是1990的黃色袋, 不過我真的沒有印象, 1964我也未出世, 一定未買過吧!
不過, 原來這個大包裝2012年冬天也有推出過, 但為何我2年前從未見過呢?
SY不愛吃蝦條, 他說味道「很難聞」, 反而他有興趣合味道版本的薯片...
我說:「你都未食過杯麵, 點解你又知好食呢??」, SY答:「爸爸你話新出麻, 我想試吓, 我唔鍾意紅色E包, 好臭D味」
可能我一向只愛吃原味合味道, 而海鮮味的杯麵不是太有好感, 所以我覺得不是十分好食, 奇怪的是帶點辣的合味道薯片, SY竟然說好味道.
阿太:「即係杯麵D味精粉做薯片, 有咩好食呀??」(這次阿太又好似講得有道理喎!!) SY:「辣辣地好食呀!! (你食得辣咩??) 唔食得...所以唔該畀水我飲, 可唔可以?」(紅色嗰包唔辣又唔食...怪人)
其實遲些推出Huge Jumbo 包裝, 福麵薯片, 媽媽麵薯片, 真的長做長有, 有排玩.好嘢!!
