期待一年的青衣大戲棚大食堂, 終於返來啦!! 去年吃過一次, 耳油未盡, 等了又等, 5月終於降臨, 超正的「青衣戲棚大掃街 」...我來也.
有過去年經驗, 知道由青衣地鐵站B出口步行往市政大廈旁邊空地, 所以今次不用問路, 加上沿途又有大批掃街同好, 齊齊浩浩蕩蕩去覓食, 大約5分鐘路程, 真的兩步就到.
今年我們20:15才到達, 較去年遲, 最初我還怕人山人海, 估不到今年較去年還少人.
可能今日只是第一連五日大戲棚第二晚, 所以未有太多人留意, 對我來說, 少人排隊, 當然更加正!!
大戲棚必食之選:
第一位: $25原隻西瓜汁
全場最最最長人龍, 可以屆出一條蛇餅的只有一檔, 就是那檔用電鑽鑽出的原隻西瓜汁.
我們排了20分鐘, 取了兩個小西瓜, 如果店員可以再鑽得深入少少, 可以有更多汁, 但如果鑽得太底, 又會鑽穿而流汁. 我們的其中一個西瓜就出現此情況.
女店員知道後大叫:「穿咗呀!! 我換個一隻新嘅畀你, 唔好意思...」服務態度一流.
我問:「之後可以係邊度搵到你哋呀?? (出年先見到我哋啦, 我哋無舖頭架)」
八卦人又來發問:「你哋咁好生意, 尋日賣咗幾多個西瓜呀? (商業秘密喎)...咁有冇一千個??? (很忙的女店員點點頭:真係差唔多)」(一日鑽一千個西瓜, 真係手都痹喎!)
大家記得最好自備檸檬茶鐵匙羹, 因為附送的膠羹未能發力. 加上同檔的芝士薯波可以不作考慮之列亦可, 事關場內有更加其他美食.
第二位: $30芝士流心玉子燒
Adam 由台灣夜士引入的玉子燒, 之後網上鑽研, 先放牛油, 再打蛋醬.
餡料有蟹柳, 粟米, 菜, 芝士, 煮了約一分鐘後再舖上大量蟹籽, 好食!!
(台灣好多好食嘢, 點解要揀玉子燒?) Adam: :「因為我上次去台灣最長龍就係食佢囉...」
記得相機吃完, 就要立該進食, 因為熱食一流, 放涼了之後, 感覺不是太好味道.
第三位: $18 足料碗仔翅
我本來不想光顧, 不過我經過明哥檔位, 他盛意拳拳向我推介:「我哋啲碗仔翅唔係用粉絲, 係用素翅, 仲用足料架...」
對!明哥說得沒錯, 用料真的較街外的足, 雖然不是甚麽驚世美食, 但又木耳, 又冬菇, 肉絲加粟子, 誠意十足, 最重要對「三唔識七」我, 也介紹檔口運作, 及大戲棚故事, 已經情味滿分啦!!
第四位: $25 燒生蠔
我本來也奇怪, 為何沒有人排隊吃燒生蠔, 但老闆還是不停的燒燒燒呢?
原來, 付款後, 要再等約20分鐘才回去取蠔, 我們20:35購買時已經是斦314號籌, 即代表他們已經售出最少314隻生蠔. 絶不惹少.
我本來只吃生蠔, 炸生蠔嫌太油, 不太愛吃, 但原來這種燒煮方式, 也很搶舌頭的感覺, 蠔依然帶鮮, 而且又夠味, 簡直令仁喜出望外.
第五位: $10 全家總動員燒大腸
六款腸大大細細, 全部均一價$10. 老實說吃腸, 處處也是差不多, 最重要是心思.
傑仔全家出動, 一行7人齊齊幫手, 這份團結已經值得加分, 加上姨姨會不停問你:「要唔要切, 要唔要蜜糖, 要唔要辣...」最正就是可以免費試食. 一句「無得輸」(贏晒)
第六位: $18粟米漢堡蛋
阿太說是走了豬柳的蛋漢堡, 因為去年吃過, 今年再次番尋味. 看着他們如同章魚小丸子般翻來覆去, 其實增加了好味道的感覺.
不過, 有點奇怪, 說起上來, 兩年的食檔位置, 幾乎可以說是一模一樣, 莫非是劃了位??
不愛吃蛋的小朋友, 也吃了半個, 應該是好味道, 多於他太肚餓吧!
第七位: $20泰式香蕉煎餅
我們本來想徹退, 但一向愛吃班戟, 薄罉的我, 竟然發現老闆仔拿出一個印度薄餅粉團在搓搓搓...好想食呀!!
(點解叫泰式嘅? 乜唔係印度薄餅咩?) 老闆仔:「唔係喎, 我上次去泰國見人整, 係咁架喎」
(你係泰國人呀??) 老闆仔:「我都想, 可惜唔係, 泰國我好鍾意, 遊遊閒閒好正」
(你學咗幾耐呀師傅??) 老闆仔指一指旁邊女生:「幾個禮拜, 不過我唔係師傳, 佢教我架, 佢先係師傳」(真人果然不露相呀!!)
我愛印度薄餅, 不過加上煎過的香蕉, 味道有少少搶了薄餅的原味, 可能我吃慣單純一塊薄餅吧!!
第八位: $20串燒鮑魚仔
一串三隻, 剛剛好一人一隻, 夠味, 夠諗, 夠鮮, 海水味依然存在, 勝在小小細細的鮑魚可以分甘同味, 吃完肚腩還有空檔可繼續食呀!
排名第八, 因為味道不及剛少第四位的 $25 燒生蠔吧!.
第九位: 懷舊吹波糖
去年沒有玩吹波糖, 今年當然要第一時間補數, 365日後姨姨亦沒有加價, 依舊賣$10
姨姨:「想要咩顏色呀?? (紅色啦)」, 即叫即整的一小撮糖醬條, 原來是暖暖的...姨姨:「襯熱先吹到架, 一凍咗就吹唔到架喇」
原來還要一口氣, 當你一回氣, 基本上也不能將波波吹起.
舅父仔今年也一同來掃街, 他的手掌太貼近膨脹的部份, 所以未吹大, 糖醬已經貼實了手板, 所以一樣失敗了.
得不到大獎, 但姨姨還是會送回一支小板糖給SY, 我嫌太甜, 但愛糖如命的小朋友就一定覺得好食啦!!
第十位: 扭蛋大菜糕
|
|
純粹因為小朋友看到要吃, 若果只有我一人, 一定不會試食. 因為我一定嫌衞生問題...
我試了一口, 難怪SY如此喜愛, 冰冰凍凍, 味帶淡甜, 他一定以為自己在吃啫喱糖.
最難食之選:
龍記臭豆腐 - 在場最少有兩檔臭豆腐 , 若果以臭的程度, 龍記算合格, 不過...豆腐邊可以說「咸到苦」, 真有點後悔買了兩底$13的臭豆腐 .
滋味牛柳粒 - $25元一碗, 有腍但卻有太多韌韌的部份, 是不是切功的問題...很失望.
其實, 場內還有大量不同攤檔, 鐵板燒、豆腐花、薄罉、綿花糖、豬皮蘿蔔、麥芽糖、生炒糯米, 還有最近側門的一檔, 全場最大煙的串燒, 簡直可以用嚇死人來形容.
今晚, 不時有人向我們查詢正在吃的食物來源, 我當然會同時反映那款最好食, 那款不用買...希望我的個仁意見, 沒有連累你們的舌頭吧!
可惜我們今日走來走去, 實在太累, 《真君誕》還有3天 ~4月30日至5月4日, 我應該沒有時間再來, 不過5月18日至22日《天后誕》, 我打算再來掃過, 希望到時有時間試盡其他未吃過的選擇吧
