![]()
糖醋排骨係我好喜愛小菜之一, 間唔中心癮起就會好想煮嚟食. 每次煮嚟食都係一個學習, 因無論在選購肉質上, 香醋, 配料份量及炆煮時間都會令每次煮出嚟味道及口感都會有少少差異. 但始終無減退我對它的喜愛.
![]()
材料
腩排 ($35 - 已切小件), 片糖 (1/3 片), 蒜頭 (4 粒 - 切半)
調味料 (要將全部材料拌勻)
鎮江香醋 (5 - 6 湯匙), 八角 (2 粒), 老抽 (1 茶匙), 鹽 (半茶匙)
做法
1) 腩排清洗乾淨, 抺乾水份, 備用.
2) 用一個小鍋, 開火下油, 爆香蒜粒及八角, 加入腩排爆炒至微金黃色, 注入已拌勻調味料及片糖, 加蓋細火炆約 25 - 30 分鐘, 開蓋兜勻至汁收乾, 就可盛起食用.
愛心小貼士
若大家喜歡醋味濃 d, 可以炆完後加多 (1 湯匙) 香醋與腩排拌勻, 香醋味就會更濃郁了.
