我真係好喜愛食辣, 間唔中就會心癢好想煮個辣餸送飯食. 是晚又一 "麻辣" 傑作. 嗱!.....今次主角唔係豬腩肉片, 而係 "金菇菜" 佢吸滿晒麻辣日月精華 (哈哈...又講埋晒廢話). 真係食到唔停口架! 正呀! 爽呀!
![]()
材料
豬腩肉片 (1 包), 金菇菜 (2 包)
京蔥 (1 條 - 切件), 蒜頭 (3 粒 - 切粒), 乾蔥 (1 粒 - 切柆)
醃料
紹興酒 (1 茶匙), 胡椒粉 (少量)
調味料
李錦記川式麻辣醬 (3 湯匙), 花椒 (2 - 3 茶匙)
指天椒 (2 隻 - 切柆), 鹽 (少量), 紹興酒 (1 茶匙)
做法
1) 豬腩肉片解凍, 清洗乾淨, 抺乾水份, 用醃料醃約 30 分鐘, 備用.
2) 金菇菜切去尾部, 用水浸一陣, 清洗乾淨, 備用.
3) 開火下油, 加入蒜粒, 乾蔥粒及京蔥爆香, 加入川式麻辣醬, 花椒及指天椒爆炒香, 下豬腩肉片煮至七成熟, 加入金菇菜同炒勻, 贊酒及下鹽調味, 煮熟就可盛起食用.
