無論讀報，抑或從朋友口傳，好多開咖啡店嘅店主都喺懷有一個夢嘅年輕人，為夢想達成而付出不少心血，最近，經朋友介紹，認識咗「咖啡．民館」（Coffee Studio）這間咖啡小店。
晌進入店內之前，晌門口有張橫額，原來「咖啡
．民館」有時仲會搞吓各類型手工藝活動、咖啡拉花班，亦歡迎私人租場。
位處商廈內，外觀跟一般商鋪無咩分別，但內裡嘅一景一物，各種小裝飾，都睇得到店主嘅心思同心機，而且，很有一份家嘅感覺。跟店主言談間，更深體會搞一間咖啡小店實在不易，不知要死幾多細胞，始達成此夢。
就連枱上嘅餐牌，都別緻過人，全人手手工製作，別具心思，細微之處隨處可見。咖啡喺依度嘅主角，不過，為顧及客人嘅需要，亦提供少少飽肚嘅蛋批同意粉，亦可以為午市爭一點客源。所以，餐牌內包括精品咖啡、法式蛋批（$68）、意粉（$88）及蛋糕（$38），而咖啡款式選擇甚多，各類食物只喺配角，所以，款式有限，不過，最抵諗喺點任何食物，可以加$25享用任何飲品。
![bowl]()
滴漏咖啡奶凍 $38（單價）
既然咖啡喺主角，當然先點一杯咖啡啦。睇見黑板上，有好多咖啡選擇，天氣正熱，所以，要咗杯凍嘅滴漏咖啡奶凍，喺期間限定嘅特飲。
以鮮奶咖啡為基調，本身咖啡味好香滑，內裡加入嘅咖啡啫喱條，原來喺嚟自日本嘅產品，絲絲滑滑，再者，點食物加配只需$25，抵飲到極。
熱食當然要試試其蛋批，店主好老實講，蛋批喺來貨，但非一般來貨，原來喺搵相熟嘅法藉廚師幫手整，絕對法式風味。雖然餐牌列出5款，但並非樣樣都有，視乎法藉廚師友情幫忙做得幾多。
![bowl]()
三文魚香蔥批 $68
落單後蛋批會烘熱奉客，一客蛋批有超過一隻手掌大細，而且，好有厚度。入口熱辣辣，外殼有點脆口，內裡嘅質感卻相當軟綿，最估唔到三文魚味挺突出，又滲出微微蔥香，好有實在感，所以都幾飽肚。此外，蛋批附有沙律菜伴胡麻汁，咁就唔會太過「寡」。
![bowl]()
菠菜芝士蛋批 $68
試完個肉嘅，又試試個素嘅喺點，一切開佈滿墨綠色嘅菠菜蓉饀展現眼前，狀甚吸引。一小件放入口，菠菜味夾住芝士香隨即湧出，相信喜歡茹素嘅老婆都會愛上。
除咖啡以外，意粉就可以試到店主嘅手藝。哈哈，雖然佢成日話自己唔識煮嘢，但個意粉做得有板有眼，絕唔失禮喎。
![bowl]()
白汁磨菇煙肉意粉 $88
比較簡單嘅一道白汁意粉，卻無做得求其，沾滿白汁嘅意粉煮得剛好，有咬口感，而醬汁感覺較一般輕盈，大概少下忌廉所致吧；煙肉煎過，仍帶香脆感，整體質素不俗。
![bowl]()
香椿意粉 $88
另一道意粉以香椿醬作為汁料，因為印象中喺第一次接觸，頗有新鮮感，而整道意粉只加有磨菇及巴馬臣芝士碎，非常合適素食者。味道上，除芝士味之外，有份偏重嘅奶羶香，但喺香定羶，就頗為見仁見智，小弟就覺得幾好食嘞。
最後嚐嚐甜品，餐牌只例出捷克蜂蜜蛋糕、紐約芝士蛋糕、牛乳芝士蛋糕，但要即場問店主先知實際有咩甜品供應。因為店主話喺佢曾經做過廚嘅老公幫手做，未必日日有齊所有款式，有時亦會出啲新嘢。
![bowl]()
捷克蜂蜜蛋糕 $38
蜂蜜蛋糕當然食過，但捷克嘅唔知會喺點，挺特別嘅款式，自然想試。送到嚟呈現眼前嘅蛋糕跟木糠布甸有點異曲同工，手工相當繁複，入口比較實淨，蜂蜜味亦比較隱若。跟店主交流時，原來捷克人為慳家，將整蛋糕所剩嘅零碎做成碎碎，再加入忌廉及蜂蜜一層一層所做成，如當地食到嘅，相比起會仲實淨呀。
![bowl]()
軟滑朱古力批 $38
睇見朱古力部分就非常期待，不過，批底明顯唔平均兼稍厚，仍有改善空間，但朱古力實在香濃軟滑，如在面層加多一抹鏡面軟朱古力，不單更靚仔好睇，亦唔會咁易出現依家嘅裂紋。綜合而言，甜品質素只可以講喺不過不失。
![bowl]()
焦糖鮮奶咖啡 $38（單價）
本來一杯就夠晒數，但店主沖調嘅咖啡，實在具質素，「安哥」多一杯焦糖鮮奶咖啡，讓自己更滿足嘅離開。
夢想，真喺要付出，一分耕耘，一分收獲；成真，確喺一份喜悅同滿足！近日睇過一齣本土電影「五個小孩的校長」，戲後被老婆問有咩夢想，哈哈，套用戲中黑仔嘅對白：「夢想咪即喺發夢囉」，我都喺發吓夢就算，無乜毅力尋夢。
個人評分
味道：8/10
環境：9/10
服務：9/10
抵食：8/10
平均每人消費：HK$130
餐廳資料：
咖啡．民館 Coffee Studio
中環威靈頓街112-114號新威大廈201室
2544 1067
=============================================
感謝 山區麵包王 提供以上資料
山區麵包王的網誌: http://garycwm.blogspot.hk/
=============================================
好食懶做（地區分類）
9
咖啡．民館 Coffee Studio：尋夢咖啡館
(已搬遷)Coffee Studio
Italian Tomato Café (馬鞍山店)
嘉美軒精細潮州菜
彩晶軒 V Cuisine (荃灣分店)
Fish & Chick (西環店)
欣圖軒 Yan Toh Heen
恆河咖喱屋 Hin Ho Curry Restaurant
大戶屋 Ootoya (太古店)