天氣一日熱過一日，炎夏日子巳經到！今年夏日活動，香港迪士尼樂園決定將暑氣消除，冰雪小鎮景致會呈現各位眼前。感受一個冰涼嘅夏日。
既然玩冰雪，咁緊係用《魔雪奇緣》(Frozen) 做主題！到時大家可欣賞到 Frozen 音樂劇。Anna Elsas 及 Kristoff 會現身會場大唱你我都已經滾瓜爛熟嘅 Let it Go 等大熱歌曲。
創意十足嘅餐飲團隊亦已經為賓客準備好一系列以《魔雪奇緣》為創作靈感嘅透心涼特色美食。仲可以帶走最新推出好得意嘅雪人小白特飲杯返屋企。(但記得要比錢喎)
玩又講咗！睇又有喇！食都提埋！淨返買。
《魔雪奇緣》主題商品必定是今個夏日活動重點銷售項目，除咗一系列現有產品之外，仲新推出拼圖、文具、Q版毛公仔等產品。另外 PIXAR《玩轉腦朋友》(Inside Out) 、 新款 Tsum Tsum 公仔 及 週年產品都將會陸續登場。
夏日活動日期：2015 年 6 月 11 日至 8 月 30 日
