【IN過759多多聲】《樂駝柒》十大執到寶潮物 @ 觀塘

觀塘駱駝漆大廈地舖經常去, 但原來第三期一樓,  竟然別有洞天...單單是最近大門口的「樂駝柒」, 已經可以逛足一粒鐘.

可能你已經日日去, 去到厭, 但我有如發現新大陸一樣的興奮...這裡真的Hit過759, 潮過一生良品, 我今日又大大大出血啦!!   

兩年多前, 「樂駝柒」負責人黃小姐說, 主要出售家品, 梳妝台, 首飾櫃, 即類似花園街譚才記.

不過, 一年前黃小姐的拍檔Ricky在一個機緣巧合下, 認識了一位日本人, 得知入貨渠道, 所以便改變了貨源, 以出售零食, 潮流精品, 美容產品等雜貨.

原來黃小姐與Ricky的女友是多年老死, Ricky現時已忙碌至由新年開始已長駐日本, (哦!咁佢哋倆個點拍拖呀??)~好奇的我問....

黃小姐斬釘截鐵:「車! 手機咁方便, 人哋日日見都得啦, 你估以前咩??」(係呀!我啲老餅...當年出Trip都未有iPhone麻)

眾裡尋「樂駝柒」入貨心水之選:

第1位:

這是近期於全日本被掃斷市的「卡樂B」水果粟米片, 我好想買一包給囝當早餐呀!!

黃小姐為難的說:「唔好意思呀! 雖然我哋返咗12呎櫃嘅貨...但全部被客訂晒, 暫時無散貨賣呀...我下次返留畀你啦, 不過唔包有得返喎」(我好想搶咗你E包呀!!)

第2位:

綠茶雪糕自行加奶再放入雪櫃, 3小時後就可以有抺茶雪糕食...

 綠茶啫喱更加方便, 加入熱水雪2小時即食.(嘩!! 正呀!!我各買了一盒, 過兩天再出一篇文介紹給大家...可能唔駛去中村藤吉都得啦...Yeah!)

第3位:

黃小姐問我, 有沒有宿便的煩惱??

 (無...我嫌我成日都要去廁所就真), 她續說, 這大麥若葉簡直靈單妙藥, 最好它不是瀉藥, 不會誇張地大量排毒. (哦!唔關我事...可以不理)

第4位:

一排排一大批, (我數過...), 35款不同種類的罐裝咖啡.

有些款色我連看也未曾看過,  Asahi不是出啤酒的嗎? 連咖啡也有?? UCC拜拜, 我以後可以每日飲不同款的咖啡...(試新嘢, 試新嘢...又可以做一期大比併喎...正!)

第5位:

近兩個月日本興食酵素, (係咩?? 唔知喎!) 

黃小姐質疑我:「你又話你係行街精??點會唔識?? 幾鬼難返貨呀...一日食兩粒, 無咁易攰, 又可以促進新陳代謝...」(即係同我日日飲咖啡差唔多啦??)

第6位:

我看中了海賊王的消臭劑.

本來我知開封後, 路飛及索柏會被撕掉...但我還是要即刻買, 因為我屋企大門口經常有異味飄來...臭到叫救命...(其實是用強烈香味遮蓋了臭味...聞得多會唔會唔好呢??)

大仁生活facebook

http://dayanlife.blogspot.hk/2015/05/in759.html