5 黑熊出沒注意@Kumamoto Cafe

 

25/04 終於有人同我去 " Kumamoto Cafe " 潮聖喇 !

 

這店新開業時真的有很多人在排隊等位 ,

 

但熱潮過後有時路過見到都唔算太多人在排隊 ;

 

雖然唔係 fans 但住得咁近無理由唔去潮聖一下

 

今次因為要睇戲所以六點鐘就去攞位食晚飯 ,

 

可能時間尚早不用排隊便有位了 yeah ! ^^

 

我自己就超鐘意呢個廚師造型喇 !

 

可能距離晚飯時間尚早餐廳都無咩人  ( 影下個環境先 ^^ )

 

某些座位會擺放着 Kumamoto 公仔或 cushion ,

 

如果有興趣的話都可以拿來拍照的

 

精美的餐枱墊紙同餐牌

 

雖然選擇不多但餐牌內精美的圖片每一個便當都好似好吸引

 

朋友揀了 " 特製蛋包飯 "

 

朋友唔食豬肉所以條豬肉腸就俾咗我 ,

 

大家對第一次見到豬肉腸有條骨感到有點新奇  ( 不過條腸都幾好食架 ! ^^ )

 

朋友話個咖喱都 ok

 

朋友的 Cappuccino 

 

哩杯算係特飲所以跟餐要加多 $25.00

 

我杯 " 蘋果汁 " 是跟餐的不用加錢

 

本應還有味噌湯的但我對這湯只是一般所以叫店員不用上了

 

" Kumamoto 餃子便當 "

 

賣相由外靚到內可惜啲飯同配菜都唔夠熱塊紫菜又靭 ,

 

但好彩煎餃子都算美味可口  ( 咁大隻煎餃食晒都有啲飽 ^^ )

 

朋友的套餐甜品 " 蛋奶布丁 "

 

" 迷你草莓軟滑雪糕 "

 

哩杯迷你雪糕真係有啲貴但為了拍張靚相無法啦 !  ( 就當豪一次 )

 

其實店員姐姐都有極力叫我要 " 草莓朱古力蛋糕配迷你軟滑雪糕 " ,

 

因為兩者價錢是一樣的而且仲會多一個蛋糕相對會抵啲 ,

 

但心想我對你哋個蛋糕無咩興趣喎 !

 

況且當晚仲食得飽飽哋所以最後唯有婉拒店員姐姐的建議 ^^