0

【2小時賣200隻大菇】「菠蘿益力多」撼「電鑽電瓜汁」@ 天后誕

大仁生活 於 2015-05-19 04:23:31 發表  |  累積瀏覽 671

分類:特色景點 飲品美食 ;地區:太子

攻略日期:2015-05-18

兩星期前, 我在真君誕大戲棚掃街確實未夠喉, 昨晚我懷著興奮心情跟阿太說:「聽晚天后誕第一日, 我哋又再去青衣掃街囉!!」


誰知有人一句擊沉我:「第二朝阿囝要返學喎!...你自己去掃啦...」(車!!) 幸運地, 我還有夠義氣的好同事, 願意抽空陪我掃街...否則一個仁怎有時間周圍排隊呢?


可能大家怕落雨, 又或者今天才是五天的天后誕掃街首日, 因為未有太多人知道, 所以現場人數明顯較真君誕少, 不過特色檔位依然人頭湧湧....


蛇餅人龍買西瓜!! ($28) 必食度:★★★★

全場排隊人數最多, 等候時間最少30分鐘, 最強人氣的依然是冰鎮電鑽西瓜汁...


我問做不停手的店主, 是否西瓜較上次大, 所以賣貴$3, 她答:「我哋上次都無擺檔, 唔係我哋嚟㗎, 今次我哋用5號西瓜, 上次人哋用咩就唔知喇...」


(你唔驚同人哋撞咩?) 她笑笑口:「咁你見唔見到佢哋吖...我哋有風收㗎麻, 點會撞呢?」(上次一日賣1000個喎, 你哋呢??)...另一店員:「得一千個咁渣...」(吓??成千個都渣?)



最靚姐妹花青檸梳打!! ($20) 必食度:★★★★

魏氏姐妹花的青檸梳打, 我上次真君誕已經想試, 但因為發現得太遲, 又不想再排隊, 所以放棄...


今次二份一泰國血統的姐妹花知我連樽購買, 於是就二話不說整樽給我.


 (妳哋三姐妹邊個係大家姐?) 我係魏大媽, 我生佢哋兩個嘅...(吓!真㗎..妳16歲生㗎??)~泰國青檸梳打真解渴!!



大菇大菠蘿大大大(各$25) 必食度:★★★★★

今次全場最吸引的, 絶對是芝士蛋大菇, 及原隻益力多菠蘿. 原來大廚Andy在長發有檔位, 原隻菠蘿一早有售, 而大菇菇則特別為今次天后誕而設.


原隻菠蘿還會附送一串菠蘿燒, 凍益力多配熱菠蘿超正, 如果附上硬匙羹可幾吃菠蘿肉一定更無得頂.


大菇放入雞蛋, 再舖上芝士後, Andy即時會幾火槍將芝士燒至熔化, 而雞蛋在菇內則呈半熟狀態. 


真君誕沒有開的Andy:「今次先第一次擺, 如果好食, 下次嚟長發搵我啦」(好!!不過我唔識去, 我只識黃長發咋)


我可以肯定燒芝士蛋菇一定是今次必食, 最好食, 又多汁又入味之選.


五日回本雪糕雕魚燒($38) 必食度:★★
不願透露名字的雕魚燒哥哥, 原來上次已經有開檔, 而且這台雕魚燒機器專誠為這十日而購入的...


(咁你投資都好大喎??) 雕魚燒哥哥:「我上次五日都回晒本架喇...做完E十日我都安排好點送走佢」(嘩!咁好賺, 我都想出年開番檔)


多人排這檔的原因, 最大理由便是雕魚燒哥哥用的是DREYER'S雪糕, 這個價錢, 確實抵食. (我出年賣Haagen-Dazs先得, 不過到時唔知仲有冇人食雕魚燒喎??)



8分鐘燒出好味道鮑魚 ($30) 必食度:★★★★★.

上次我也有光顧過阿倫, 今次的鮑魚串, 由三細隻, 變為兩大隻, 意想不到味道竟然更加好食...(係米研究出秘技喇??)


鬍鬚師傅接口:「無秘技㗎, 只要花$30買一個計時, 用6000火嘅爐, 轉兩次位, 總共燒8分鐘, 當你燒到第100隻鮑魚之後, 你就一定好食...」(哦!!難怪今次好食咁多啦)


(上次中間位, 今次點解你哋偏埋一邊嘅) 阿倫一邊燒龍蝦一邊說:「大會兩日前派位麻, 佢派你去邊米去邊囉」(生意係米無咁好呀?) 有女工搶答:「咁梗係上次生意好好多啦」



阿倫的燒帶子一樣惹味, 不過可能我嫌調味的汁太濃, 我還是愛鮑魚的鮮, 及原汁原味. 阿倫:「可能我燒E批帶子耐咗啲...太熟嘅帶子真係唔好食」(你個燒鮑魚進步得咁緊要, 已經夠賣啦)



日包4900隻重慶餃子$28 (6隻) 必食度:★★★

朋友說, 掃街怎可以不吃「秘製醬汁餃子」? 不過, 真君誕最後一日, 正正就是餃子排隊問題, 數十名男女大混戰!照計今次也預計餃子出現率不高...


不過一雞死一雞鳴, 今次我們有重慶餃子, 姐姐說:「我哋今日包咗4900隻, 差唔多賣晒, 又要請人繼續包比聽日囉」(勁喎!! 我真係無諗過你會答我咁多隻...)


因為餃子檔正正就在電鑽西瓜汁旁邊, 建議大家可以在等候西瓜期間, 找另一位朋友幫手買餃子, 大約須時約5分鐘便有得食...


中伏劣食福麵餅 $16  必食度:↓
全場最最最「搵笨」食物 ~ 一口脆脆芝士麵...半底福面加半片芝士半塊煙肉, 如果不是芝士還芝士, 燒得更加認真的話, 勉強也可接受...可惜, 芝士, 堙肉, 福麵如同水溝油一樣...


為何如此劣食, 未㺫22:30亦已經售罄呢??大家是否如此今飢不擇食呀??


PS:今次攤檔數目較真君誕少, 而且不少上次的攤檔也沒有經營, 是否代有厚此薄彼呢? 真的要問一問專家才知道喎.

鐘意SeeWide的分享,給我們一個Like吧!
  • 攻略日期:2015-05-18
    攻略地點:太子
  • 攻略時間:1-3小時
    是次消費:N/A
0人比"掂"
  • 特搜總編E 於2015-05-19 16:08:49 留言
    恭喜!經過「SeeWide評審團」一致通過,你的發佈已被選為推薦攻略!你不但可以獲得200經驗值,更能累積200探險里數作為開展下次探險之旅的旅費!
  • 舉報 回覆
  • No.2

最多能輸入300字

累積瀏覽 930294

全部攻略 890

全部回應 2289