![]()
Feynman出事後，見到明顯疤痕
上年，吳鎮宇與囝囝Feynman參與拍攝內地真人騷節目《爸爸去哪兒2》，喺新西蘭取景拍攝期間，因不慎跌倒撞傷眼角，需要入院治理，傷口仲縫咗兩針。![]()
節目播出時，好明顯見到Feynman隻眼好腫，好多人都好關心Feynman嘅傷勢，更傳出係陸毅囡囡貝兒推跌Feynman。之後，《爸爸去哪兒2》推出電影版，但可惜Feynman復元狀況唔太理想，所以佢哋並無參演，雖然觀眾覺得好可惜，但Feynman嘅健康始終係最重要。![陰功，細細個要縫針]( "陰功，細細個要縫針")
陰功，細細個要縫針
事隔差唔多一年，吳鎮宇早前接受訪問時，本身心情尚算唔錯，但一講到Feynman嘅傷勢就好激動，因為醫生診斷Feynman嘅視力受永久性傷害，但係喺呢一年裡面湖南衛視同埋節目組都不聞不問，無人為事件表態同埋致歉。吳鎮宇當時仲激動到掉咪，佢話一個六歲嘅小朋友，受咗傷保險仲未搞掂，每次提到都好嬲，仲問「係咪要法庭見？」。佢仲話希望自己係「靚坤」，咁樣就唔會一年都無人理。
![提返件事，鎮宇仲好好火]( "提返件事，鎮宇仲好好火")
提返件事，鎮宇仲好好火
