【日本老師教飲茶】中村藤吉30分鐘學茶道

相關網誌:【60分鐘派晒籌】趕頭趕命食好嘢 @ 中村藤吉 

上星期五中村藤吉開幕, 我們除了朝聖外, 更報名參加了當日的茶道班, 官網指「馬子妮」亦有報名其中一堂, (不過可惜...我揀唔中同佢一班呀!)

歎茶期間, 我也奇怪...為何會有日本模特兒助陣, 原來她們便是橫山老師及助教.

 (其實不止我, 很多人也以為老師就是模特兒, 有人還叫老師手持芭菲拍照添...老師好好人, 來者不拒)

茶道開始前, 老師們在測試工具, 吸引了不少食客, (當然包括我), 不停影影影. 

茶道的慢動作, 好似與TheONE街外的香港格格不入, 還是在日本看會更加享受吧.

開業首兩天, 老師一共主持11節茶道, 我們選擇了第一班, 老師一開始便說:「唔需要一定盤膝而坐, 大家放鬆就得」(好呀!! 我屈住對腳唔夠兩分鐘已經唔掂)

每班有位同學, 每人一份茶具, 最可愛當然就是兩粒兔仔糖. (不過好睇唔好食, 糖粉甜到爆炸)

上課前老師講解, 茶葉愈受陽光, 便會變得愈苦愈澀; 宇治綠茶則以大帳篷遮擋陽光, 所以茶味更香更甜, 日本人稱為玉露. (金風玉露一相逢, 個名駛唔駛改得咁靚呀?)

她們還由日本搬來一個石磨, 由助手示範, 將茶葉放入石磨, 就可以磨成茶粉. (絶無欺場, 不過和服姐姐磨得頗吃力, 其實我好想上前代勞嘅...)

今日我們是試飲薄茶, 明明老師叫放兩羹茶粉, 但為何我會聽到三羹呢? 結果當然苦到不得了.

之後注入2CM熱水, 再用茶掃攪至起泡. (唔知點解一見到薄茶茶面層的泡泡, 我覺得滿足感大過飲濃茶好多)

日本人飲茶的講究, 甚至飲茶前, 後也要用手分別將茶碗順時, 及逆方轉兩次, 目的只為要將杯的前方圖案向著對方才飲用茶.

 (可能我太粗魯, 我嗱嗱臨飲咗, 之後先一次過轉返4次補數囉)老師望到我的「暴行」, 也向我微笑了一下.

之後又約無其事的繼續教我們, 其實此刻她心是否想...香港阿叔真十分「涸嘩依」.

薄抺茶飲完後, 還要緊記用手將剛才飲過, 殘留在碗邊的綠茶漬用手抹走, 並印在兔仔糖的紙巾上, 才可以吃兔仔糖.

飲茶步驟介紹完後, 裏千家流的老師, 便向我們展示她的私人珍藏, 一套戶外公園飲茶套裝, 全套連小藤籃, 只是3萬日元.

我最初還以為小藤籃價值不菲, 誰知老師說是東南亞的廉價貨. (又一次證實, 名人著花園街衫, 都變名牌的道理)

最後大家也排隊與橫山老師合照, 30分鐘便結束, 好玩的時光過得特別快, 平日我坐在悶棍的辦公室15分鐘, 也似捱足一年一樣...點解嘅??

大仁生活facebook

http://dayanlife.blogspot.hk/2015/05/30_21.html