北海道 Sapporo 自駕遊 ( 新千歲機場及租車 ) 第一日 * 2015 五月

16.05.2015

由香港坐飛機前往北海道新千歲機場 , 去程需時 4 小時 25 分鐘 , 回程需時 5 小半 . 小地勤以前係從不把日本放在 " 想去 " 的名單中 , 直至我黎到依間花花航空 , 公司每年送 5 套機票 , 而可去的地方又有限 , 結果就不停咁去沖繩 , 又係大阪被 Cut 之前去左兩次 . 今年公司重開北海道線 , 我終於有機會去下其它既日本地方 .

講返北海道 , 跟香港有時差 , 快香港一小時 , 用兩腳平插 , 即同台灣一樣 . 五月既北海道正如網友林公子同我講既一樣 , 天氣變化好大 . 整個行程 , 一半時間在下大雨 , 慶幸自己係自駕遊 , 所以問題不大 , 係車上等停雨 , 小睡片刻也是好事 . 

第一次黎到北海道新千歲機場 , 感覺成個叮噹館咁 , 就好似台北機場以 Hello Kitty 做主題一樣 , 令人心情大好 . 一出閘就見到叮噹歡迎你 ! 依個機場係要出閘後先有機場既免費 Wifi .

叮噹手拿屋仔個邊有一個 Information Counter . 姐姐們都好好 , 起初以為我係日本妹 , 所以一直同我講日文 , 仲比左本 " 無料 " 日文版既札幌介紹過我 , 後來姐姐們終於知道小地勤係唔識日文 , 所以就用英文交流下 . 姐姐們真係超好超熱心 , 仲諗住教我點買飛同坐車去酒店 . 我一同佢講租左車 , 又教我去樓下個 Counter , 會有職員安排車比我地去千歲市攞車 .

姐姐對面有間便利店 , 便利店再行入少少 , 有電梯落樓下 , 小地勤就係要去個到既 Counter 報到 . 今次我地無用 OTS 租車 , 因為出發前一日先確定有機位上機 . 因此在網上打了 " 日本租車 " 就隨便係一個日本網上租了 5 日 , 約 2 萬 Yen . 其實好抵 , 因為北海道既交通費好貴 , 2 個人租架車先千三蚊 5 日 , 好抵玩 !

叮噹另一邊係租 Wifi 既地方 , 我覺得比香港貴 , 但男友話差唔多 , 每日約 HKD 88 . 小地勤無 Wifi 係無問題 , 樂得唔洗理公司野 . 但男友無 Wifi 就做唔到生意 , 要搵錢的確係要先付出少少 .

一離開機場 , 先知 5 月既北海道仲好凍 , 即時冷病左 ... 由機場到千歲市 , 坐了 20 分鐘車先到攞車既地方 . 平日 OTS 既車上都會好多香港人 , 但今次依間公司既車上就只有 4 個人 . 我地係租 Honda 既 N-Box , 依款車香港無 , 所以男友想試下 .

依架車內裡好大 , 好有空間感 , 就算坐 4 個人加每人一件行李 , 感覺都仲好 OK . 唯一係架車開唔得快 , 我個人就好鐘意架車 , 開得慢一點 , 可以慢慢看風景 , 感覺亦好安全 . 係公路上 , 我地一直被人爬頭 , 因為的確好慢 , 哈哈 !

回程時的行李超多 , 架車都仲好多位平放行李 . 今次小地勤遇上 "斤斤計較 " 既日本地勤 , 我已偷偷收起左一件手提行李 ( 古惑 ) , 在誤導個地勤我兩沒有手提行李既情況下 , 日本地勤堅持我地要攞返 10 Kg 出黎 , 否則收 HKD 1500 . 自己也是地勤 , 當然明白 , 所以都不多說 , 乖乖去執行李 , 執完都仲超出 4 Kg ... 日本地勤話要罰錢 , 好采我遇到一位公司職員 , 佢一句 " 職員 , 放行 " 我就唔洗比錢 , 仲偷運多左件行李 . 

你地睇下 , 買到咁 , 人地唔捉我地就奇 ! 去北海道既朋友要留意 , 北海道既地勤係好嚴謹 , 唔想比錢寄行李 , 就真係唔好買咁多 .

北海道同沖繩真係好唔同 , 一個四圍都係大草地或樹林 , 一個就永遠既陽光與海灘 .

好多人都話新千歲機場好多野睇 , 可惜小地勤既時間真係唔夠用 , 都無點行過個機場 . 以下兩張相 , 係上機前影 . 個個人都係一袋二袋咁 .