探險家攻略 > 城中探秘 / 旅遊 > 特色景點 / 博物館 / 廟宇 / 公園 / 長線旅遊 > 惠州。惠州西湖

惠州。惠州西湖

由平凡人於 2015-05-25 19:50:00 發表 | 累積瀏覽 685

分類：長線旅遊特色景點博物館廟宇公園；地區：中國

< 惠州2天遊 >

第二天

今日將會去惠州最出名既地方「惠州西湖」，杭州西湖曾經去過兩次，惠州西湖就係第一次，唔知道呢個西湖有冇杭州西湖咁靚咁吸引呢？

除左西湖之外，今日冇其他地方去，所以唔洗咁早起身，成10點先出門口

除左廣東之外，呢種舊式騎樓建築係香港﹑馬來西亞等地都可以見到，不過香港已經越黎越少啦



有好多懷舊野賣



經過一個街市，好多人



好大棵樹



見到呢間鋪頭坐滿人飲茶食點心，我都想人去試試，可惜見唔到佢有餐牌又唔知點叫野食，最後唔敢入去...

唔知呢個係咩地方呢？完全唔識


街市人山人海丫



今日天氣好好，藍天白雲陽光普照，行到去東江邊欣賞東江美景


東江北岸有好多高樓大廈

而呢邊南岸就係舊區，大多數都係幾層高建築

上午既步行街只有好少人

今日天氣熱，想搵個有冷氣而且又可以坐得舒舒服服既地方食早餐，係街上比較難搵到，所以就黎左呢道啦，都係麥當勞坐得舒服而且又可以慢慢嘆

麥當勞外面就係西湖，風景唔錯架

買一送一卡竟然係三國殺


求其叫左少少野食咋

食完早餐就去到「惠州西湖」

「惠州西湖是位於中國廣東省惠州市境內的一個城市淺水湖泊，是中國國家重點風景名勝區、國家AAAA級旅遊景區。惠州西湖景區面積為3.2平方公里，水體面積為1.68平方公里，其景觀由「五湖六橋十八景」組成。「西湖」一名最早來源於北宋蘇軾被朝廷貶至惠州時所作的詩詞，惠州西湖也因為蘇軾詩詞的傳播而得以揚名，至今惠州西湖仍留有和蘇軾有關的蘇堤、西新橋、王朝雲墓等遺蹟。在歷史上，惠州西湖曾和杭州西湖、潁州西湖合稱為中國的三大西湖。」

「三處西湖一色秋，錢塘穎水與羅浮」﹑「海內奇觀，稱西湖者三，惠州其一也」﹑「大中國西湖三十六，唯惠州足並杭州」；好多詩詞文章都歌頌惠州西湖之美，大家覺得西湖係唔係真係咁靚呢？

同杭州西湖一樣，惠州西湖都有一條蘇堤貫穿西湖；宋朝之前係冇蘇堤，相傳蘇堤由蘇東坡資助建造，距離而家有900多年歷史，當年蘇東坡有詩句「父老喜雲集，簞壺無空攜，三天飲不散，殺盡西村雞」記述蘇堤完工情況，後人為紀念蘇東坡貢獻，將呢道長堤命名為「蘇堤」

蘇堤一邊係「豐湖」

而另一邊睇落比較大既係「平湖」

蘇堤中間有「西新橋」，亦都係由蘇東坡資助建造，當時橋係用柚木建築，成為西湖六大名橋中既第一橋，不過而家重建後既西新橋變成石橋



行上小小山丘可以近距離見到玉塔，即係「泗洲塔」；玉塔始建於唐末，而家見到既玉塔係明代萬曆年間1618年重建，當年蘇東坡好鐘意玉塔，稱之為「大聖塔」，並有詩句對湖光塔影有精彩描繪，「一更山吐月，玉塔臥微瀾，正似西湖上，湧金門外看」

呢道環境好靚


另一個小小山丘「孤山」之上有一間「東坡紀念館，不過只係展出一啲詩詞，冇咩特別



來到「九曲橋」

天氣咁熱，乘機係橋中間抖涼吹吹風



去到平湖中間一個小島之中



前面有條「偃龍橋」

不知名既小橋

水中反映既藍天特別靚


原來西湖邊既「元妙觀」係中國二十三間著名道觀之一，失敬失敬


湖邊有座城門「朝京門」

平湖中間有個小島「百花洲」

百花洲有「花洲話雨」稱號，不過要落雨先睇到最靚風景，而家咁好陽光反而冇咁靚



係西湖行左兩個鐘，都叫行左西湖一小圈；今次我地只係行左西湖五個湖之中既平湖咋，另外四個湖都冇行，可想而知西湖其實好大；叫做黎過就算啦，天氣太熱邊道都唔想行



一路行一路想搵午餐食，行左好遠先見到有間有冷氣既小餐廳，唔洗諗啦入左去先算

呢道啲野又幾好食，岩我口味


好抵食架，最重要係有冷氣tim

去超級市場買定杯麵零食先

杯麵款式太多，花多眼亂


零食都一樣亂花多眼



買好野就去到湖邊巴士站，等車去火車站



有好多唔同路線巴士去火車站，但等左好多部都係好多人，最後終於等到部有位坐；雖然話火車站唔係市中心，好彩今次冇塞車，20分鐘就去到火車站啦



去到火車站當然最重要就係買飛啦，我見有好多位剩所以冇預早訂飛（就算訂左都一樣要排隊，因為呢道唔似深圳站有取票專用窗口，只有三部香港人用唔到既取票機）；排隊都要睇清楚先好排，因為有啲窗口服務時間係8:00-16:00，我三點九先到除時排到人地收工都未排到，不過我揀個條隊都唔好得好多，排排下職員突然行開左5分鐘，仲顯示暫停服務，幾驚佢唔返來...

買飛都算順利，排左20分鐘成功買到下班開去深圳既車

入去坐低慢慢等

我坐既Z107列車由北京開去深圳，全程行車時間21小時56分鐘，來到惠州之前已經行左超過20個鐘，有小小延誤可以接受，我都預計火車未必可以準時到達

冇野做四圍行下

唔知呢道係邊道呢？

買左呢個飲，有少少奇怪


車就快到，要排定隊啦！今次我買到座位飛唔怕冇位坐，而車票價錢同去程一樣係¥18.5，平靚正！

原來部車係25T車箱，好耐冇坐過啦


新到反光既藍白色車箱，好靚
話說N年前第一次坐長途火車就係坐藍白色25T車箱，估唔到係佢變色之前都可以坐多次



有樓梯行，唔似舊式車箱要「爬」鐵梯

我個位有小朋友坐左，所以自己去搵左個冇人坐既位置坐低；火車下個站就係尾站，好多人一早已經落左車啦

唔食個康師父又點似坐火車呢，哈哈


火車由惠州唔停站去深圳，只需1小時19分鐘就到



火車未到站，大家急不及待準備落車啦，唔知大家係唔係由好遠既北方坐到南方呢？

離開火車站就由羅湖過關返香港，小小旅程就咁結束


兩日時間一眨眼就過，好快就返到香港啦；雖然惠州對我黎講吸引力唔大，不過可以短暫離開下香港都係一件好事，可以暫時忘記香港所有煩惱；杭州西湖咁遠就去唔到啦，今次去完惠州西湖就當自己去左西湖啦，哈哈

< 惠州2天遊 >

< 完 >

鐘意SeeWide的分享，給我們一個Like吧！

檢舉

攻略日期：N/A

攻略地點：中國
攻略時間：1-3小時

是次消費：N/A

共0人比"掂"

EEChan 於2015-05-25 21:12:08 留言
杭州西湖同爭好遠喎我舊年去嗰陣,中間「西新橋仲整緊, 冇得行
舉報回覆
No.1

stellaluk 於2015-05-26 08:00:38 留言
惠州西湖曾經去，但都想再去多次！
舉報回覆
No.2

特搜總編E 於2015-05-26 16:10:38 留言
恭喜！經過「SeeWide評審團」一致通過，你的發佈已被選為推薦攻略！你不但可以獲得200經驗值，更能累積200探險里數作為開展下次探險之旅的旅費！
舉報回覆
No.3

平凡人於2015-05-30 23:25:59 留言
原文由 EEChan 於 2015-05-25 21:12:08 發表
杭州西湖同爭好遠喎我舊年去嗰陣,中間「西新橋仲整緊, 冇得行

同杭州真係冇得比啦，不過去行下都唔錯既
舉報回覆
No.4

平凡人於2015-05-30 23:26:43 留言
原文由 stellaluk 於 2015-05-26 08:00:38 發表
惠州西湖曾經去，但都想再去多次！

惠州咁近得閒就可以去啦
舉報回覆
No.5

平凡人於2015-05-30 23:27:06 留言
原文由特搜總編E 於 2015-05-26 16:10:38 發表
恭喜！經過「SeeWide評審團」一致通過，你的發佈已被選為推薦攻略！你不但可以獲得200經驗值，更能累積200探險里數作為開展下次探險之旅的旅費！

Thanks
舉報回覆
No.6