北海道 Sapporo 自駕遊 ( 名水公園周邊遊及羊蹄山 ) 第二日 * 2015 五月

17.05.2015

晨早第一個行程係前往名水公園 ( 0136422111 ) , 輸入電話號碼後 , GPS 就會安全帶我們去到目的地 . 沿途風光太美好 , 小地勤都停了很多次 .

離開天陰陰既札幌市不久 , 就被一大堆櫻花吸引 .小地勤第一次見到櫻花係布拉格 ,之後每次到日本 , 都只會見到未開曬或就快謝既櫻花 . 今次真係開得好多好多 ,仲要加上突然的藍天 , 真係超級靚 .

附近仲有個果園 , 我地都諗住六月之行會試下摘水果 .不過諗住到余市或小樽個頭既果園 , 好似有士多啤梨 , 每位約 1000 Yen .

看完櫻花後 , 繼續前行 ! 山腰下大雨 , 但卻出現一片紅葉 .

不久就由落大雨變做飄雪 , 好似經歷左四季咁 !

中途又見到一個小市集 , 就停下來上個洗手間 .

係到買左一支推薦的牛奶 , 好重奶味 , 我唔太好 .

市集內仲有好大粒既紅豆賣 , 我地買左 3 大包返去 , 約 550 Yen , 好重手一包 ! 買完野 , 飲完奶 , 再望下個地圖 , 就繼續前進 !

其實除左要去名水公園外 , 仲好想見識一下被稱為小富士山既羊蹄山 , 可惜天氣唔太好 , 根本睇唔到佢個真身 , 唯有都係個句 , 下次再會 !

四圍都係雪山 , 真係幾靚 ! 其實覺得被雪山環繞既地方都好有歐洲 Feel , 好懷念 Salzburg 依個地方 .