每次諗起阿女今年就要考小學就開始有D精神緊張
小齊有好多不足之處, 做媽媽當然想教佢
每日放工之後仲要返去同佢搏鬥... 有打 2份工o既感覺
如果佢係乖乖聽教都仲好D
我辛辛苦苦教佢佢有時就嬉皮笑臉,
我都唔知佢聽左幾多入耳...
同阿女去過 2 次 mock interview (一次學校, 一次街外) 之後
我知道佢各方面都仲有好多好多要改善o既地方
禮貌, 中, 英, 數, 常, 普通話, 音樂, 邏輯, 推理... 真係頭都大埋!
最慘係佢o係陌生人面前唔係好肯答問題 (救命~ ~ )
而 7月左右就要正式開始面試
我而家諗緊點樣o係有限時間內每方面再幫佢提升少少 (真係少少都好~)
時間實在好唔夠用!
街外果次 mock interview 係超越左小齊o既學術能力, 所以有好多o野佢唔識做,
但我接受呢個結果, 如果D學校真係要考呢D我地亦唔係一時三刻可以做到D咩o黎改善,
要貼都未必貼中, 所以今次去mock o既得著只係一個idea
知道有d 學校會用呢種format o黎考
雖然知道條路難行, 唯有儘量做好自己o既部份,
禮貌就不嬲都會教, 而家想提升佢"自覺地"展示出禮貌,
唔駛要人提~
中文我希望o係學校教左o既課程之上比多 dd input, 主要係認字方面,
英文我開始買課外練習教佢, 同佢一齊做...
當中嘔心瀝血情況自不待言
仲有我發現原來阿女識讀英文 passage 但唔係好識解釋,
o係我面前都仲好d, 陌生人面前再打50% 折扣~
story telling skill 亦係欠奉
數學更加係教到我投降... 阿女係咪真係盡得我遺傳??!!
有時真係教到不怒反笑... 同佢溫書真係幾吃力
佢亦自爆左今次數學叻叻PAPER 佢做錯左好多... (暈~ )
常識呢就平時出街每日講d 講d 咁啦
普通話我都向現實低頭出去讀比錢人賺, 打算報暑假o既公開試, 考成點普通話都會稍竭
其他邏輯, 推理之類我真係唔知有咩方法教佢?!
"腦筋急轉彎"幫唔幫到手?? 哈哈~
我覺得呢個女唔可以一味操練式學習,
所以現在我有個新o既諗法, 具體情況係點一路做一路再調整,
至於內容係咩我唔透露住, 因為我都唔知 work 唔work,
可能要幾個月時間先再 update 睇下效果如何?
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================