趁週六有時間又學習搓下薯餅及學習煎煮技巧 (煎炸這方面我不太熟練的). 其實早兩星期之前我已經煎過一次, 但煎出嚟效果不理想, 所以今次再努力鑽研, 無論在搓薯餅, 煎的技巧上都多加注意, 更要有耐性慢慢讓薯餅在細火中煎熟, 真係要好有心機. 今次無論味道, 口感及買相都非常好好 (當然還有好多可以改善地方). 如果大家都覺得 OK, 就給我一個 Like 支持一下我啦!
感言: 自問我不是一位煮餸高手, 但我絕對係一位好用心煮餸師奶仔. 我會繼續努力學習及鑽研煮不同餸菜給愛我的家人及朋友食的.
![]()
材料
薯仔 (2 個 - 壓成薯蓉), 肉碎 ($15)
雞蛋 (1 隻), 生粉 (約 2 - 3 茶匙)
(肉碎) 醃料
生抽 (2 茶匙), 黃糖 (1 茶匙), 胡椒粉 (少量)
油 (半茶匙), 麻油 (少量), 生粉 (1 茶匙)
調味料
鹽及胡椒粉
做法
1) 薯仔去皮及切粒, 用滾水灼 15 - 20 分鐘, 盛起隔水, 用叉壓成薯蓉.
2) 加入己醃肉碎, 雞蛋, 鹽, 胡椒粉及生粉攪勻, 然後搓成小球下鑊, 用匙壓平薯蓉成餅狀, 用細火慢煎至兩邊金黃色及熟透, 盛起隔油, 就可食用了.
