24 MAY 2015(SUN)
做乜佢地兩父子笑得咁開心,咪就係因為有好嘢食啦~
我地次次落觀塘食晚飯,多數都係去APM入面啲餐廳。大肥豬話佢朋友介紹左一間唔錯嘅樓上CAFE,所以今晚就帶我地嚟食好嘢呀~
入面環境都好舒服,用左好多粉色系列,又擺放左鋼琴同公仔,再加上小旗幟,整個感覺都唔錯呀~
依個為食小小豬就以行動證明好食,因為佢一個人差唔多食晒成碟~
大肥豬話佢朋友大力推介豬脾餐,所以我地都ORDER左一SET試試啦!
真係冇介紹錯,隻豬脾大大隻之餘,外皮就鬆鬆脆脆,肉質就好嫩滑,而且個味道唔會過咸或冇味,幾啱我倆口味~
不過我就當那幾條腸仔印象就比較深,因為一般我對腸仔感覺都係多味精同勁韌。但跟餐依幾條美味腸完全冇依兩個問題,個皮薄薄得嚟,啲肉又好彈牙,食落仲唔覺有味精呀(因為食完都完全唔渴水呀)~
大肥豬嘅牛奶樽無冰凍奶茶,好香濃嘅茶味,入口又好滑,就連我唔"好"奶茶嘅我都偷偷地飲左幾啖呀~
食完主菜就到甜品時間,小小豬又嚟發揮佢唔知醜嘅一面,不停問老闆娘有冇甜品,最後老闆娘就請佢食雪糕呀~
其實兩款味道都好吸引,不過我個人就極力推薦意式奶凍,因為牛奶味重得嚟口感又滑滑呀~
第一次嚟樓上CAFE食晚餐,仲唔到真係好有驚喜,所以我地都決定下次再去觀塘食嘢時,都會再嚟依間試埋其他嘢食。
不過,估唔到樓上CAFE嘅服務都好細心同NICE,可能係因為全場最嘈嗰個就係小小豬,所以就成功引到老闆娘過嚟同佢傾計,仲請小小豬食左幾款小食。
憑小小豬依啲唔知醜行徑,到令我有點唔好意思。不過小朋友就是咁啦,只要佢口多多得嚟又不失禮貌,我都覺得係可以接受,起碼佢面對陌生人唔怕羞,都係一件好事嚟啦!
八月天
入素 Green entrance (KCC)
Italian Tomato Café (馬鞍山店)
Aster Cafe
(已結業)嗎哪Manna
Give Me
Moonlight Destiny
Bro's Cuisine