2015沙巴(亞庇市)自由行旅遊攻略—6日5夜篇
【2015沙巴6日5夜自由行攻略】(上篇) 為大家簡介左沙巴自由行既需知，同埋Day1-Day3可以去邊度飲飲食食同玩。而家(下篇) 就會延續(上篇)，為大家提供更多重要資訊！
P.S以下資料只供參考
Day4：
想挽啲剌激野既話, 就可以參加一啲激流既Tour。激流分1至5級，越高級既激流就越多碰撞。
如果想挑戰自己既話就可以參加TravelFever既《巴達斯河3,4級激流一天團》！
巴達斯河(Padas River)，又叫巴達士河，係體驗激流泛舟(White Water Rafting)既好地方！去巴達斯河既沿途，大家會見到唔少大自然的宏觀，到步後更可以一嘗巴達斯河既八大急流。不過基於安全理由，小童均不推薦參加此團。
值得去既程度：★★★★★
費用：成人(13歲或以上)HK$568
費用包括：
當然，我地重有《九魯河1,2級激流一天團》，岩曬想試下玩但又唔受得過份剌激同擔心安全問題既您！TravelFever帶大家去到九魯河玩初級激流。九魯河全程9-15公里，除左可以跟隨住波浪搖擺身體，大家重可以將沿途景觀一覽無遺！
值得去既程度：★★★★☆
費用：成人HK$438, 小童(6歲或以上)HK$368
費用包括：
玩完返酒店，沖個涼，就可以休息下。已經成左年既您，會唔會有興趣去KK市既酒吧/夜店呢？新天地(Waterfront) 有不少酒吧同夜店，由傍晚開始，呢度就成為左愛蒲一族既天堂！
值得去既程度：★★★★★
beer nest MIXO係沙巴目前唯一一間調酒酒吧，酒吧老闆更曾經獲得多個國際調酒獎項，酒水質素非常有保證！而且酒吧每日都有唔同主題&優惠，各位去之前可以先打聽一下。
值得去既程度：★★★★☆
想去啲Disco Feel多啲既酒吧？就可以去附近既Lush或者係盡頭既bed 啦！
Lush以紫藍色燈光為主，樓高兩層；
而bed 就係好多外國遊客必去既夜店，更加係KK市內最大既夜店！
值得去既程度：★★★★☆
P.S 不過各位就要量力而為，唔好因為景觀太誘人而飲多左幾杯，始終要小心個人安全，最好就同多幾個人一齊去啦！而且夜店環境始終比較雜，所以各位都要小心保管個人財物。
自問唔飲得，但又想去一睹Waterfront既風采？咁就可以去按摩店—Seafront
Reflexology放鬆一下。Seafront Reflexology對正大海，一抬頭就有個天幕播放電影，一邊按摩睇戲，一邊感受涼涼既海風，真係寫意！而見價錢便宜，全身按摩1小時都係RM55。值得去既程度：★★★★☆
Day5：
前一日蒲完/按完摩，第二朝一定想訓耐少少。訓到唔願起身？唔緊要，KK市入面重有好多野行同食，唔洗特登去第二度。
一早起身一定要醫下肚先，想近近地試下沙巴馳名既生肉麵，就可以去Jalan Pantai附近既金沙園。
金沙園既生肉麵號稱「亞庇最好吃的生肉麵」，清香既湯底同嫩滑既生肉，簡直係最正既早餐。
值得試既程度：★★★★★
如果大家唔想一早食咁多？都得，大家可以去到金沙園附近類似香港茶樓既瓊萬興。嗰度既麵包同酥餅都各有特色，而且抵食夾大件，所以唔少人都會去買泥試下。不過大部份買完即止，所以要買就要快啦！
值得試既程度：★★★★☆
玩左咁多日，想補一補？咁就一定要飲下馬來西亞出名既—肉骨茶。係金沙園附近就有一間賣砂鍋肉骨茶馳名既—新記。就係因為新記主力售賣一款既肉骨茶，所以品質有一定既保證。而且佢重有肉骨茶湯包，大家可以買返香港當送禮or
”自補” ！
值得試既程度：★★★★★
食飽飽又到行街時間啦！想香港既親友戚友都食到沙巴既特色小食，重咁就要去Jalan
Padas既美金香啦！美金香係一間專買肉乾既沙巴老字號，同澳門既豬肉乾類似，不過就有啲特別啲既味，當中桂花肉同桔仔汁既辣肉乾就係最搶手既。
值得試既程度：★★★★★
想買啲飾物仔做手信，但又唔想出街同人撞款？咁就一定要去Jalan Tun
Fuad Stephen既手工藝市場(Handicraft Market) 啦！入面有好多特色圖案既民族藝品，包你唔會同人撞款，而且重有絲巾同鬆身褲等。值得去既程度：★★★☆☆
想試下做本土沙巴人？咁就要行下當地既街市—亞庇中央菜市場。除左濕貨，呢度重有好多特色水果同調味料，想係香港都食得返沙巴既味道？咁就一定要去呢個市場買啲調味料返香港煮餸啦！
值得去既程度：★★★☆☆
如果你想行得舒服啲，當然都可以去岩岩新落成既Oceanus Waterfront Mall行下。不過入面都係賣名牌為主，同其他大型商場差不多。可觀既就係商場以海洋為主題，商場既裝修非常特別，加上樓底高，充滿左空間感。
值得去既程度：★★☆☆☆
買到成身手信，最好就係返酒店擺低曬所有野，抖一陣。襯重有少少空檔時間，大家重可以收拾下行李，重溫自己既戰利品添！覺得自己買漏左野，或者買少左？咁就快啲出發去買返啦！
抖抖下開始入夜啦！時間大約5點鐘，又係去夜市行下街、食下野同買下野既時間！自問鍾意食榴槤既您，咁就一定唔可以錯過Jalan
Segama既橋底夜市。
橋底夜市幾乎成年都食到沙巴既榴槤，雖然攤檔既環境簡陋，但榴槤既香氣瀰漫係空氣入面，而且種類繁多，真係令人忍唔住要食返個先想走！呢度買榴槤既形式係即開即食，如果味道唔好或者榴槤變左質，就可以即場換貨。
值得去既程度：★★★★☆
去到成個旅程既最後一日，除左回顧呢6日5夜既行程，同整理愉快既回憶，最重要就係收拾好歸途既心情。
以下我地會為大家介紹一啲係沙巴必買既手信，除左適合自己係香港重溫返沙巴既味道，最重要既就係同親朋好友分享自己係沙巴既回憶。
1) 沙巴茶葉
除左有傳統既茶葉，呢度重有啲特別味，好似同桂味同東革阿里等等。
值得買既程度：★★★★☆
2) 沙巴雪條 (可以加錢空運返香港)
用天然果肉製成，味道繁多而且特別，例如牛油果、珍多味等。
值得買既程度：★★★★★
3) 沙巴咖啡
人人試過沙巴既白咖啡都話正，除左係醒神良方，重係送禮佳品。
值得買既程度：★★★☆☆
4) 民族手工藝品
款式繁多而且特別，價錢平，最岩買泥自己戴同送比人。
值得買既程度：★★★★★
============================================
感謝 TravelFever 提供以上資料
TravelFever的網誌: http://travelfever.mysinablog.com/
============================================
累積瀏覽 63312
全部攻略 77
全部回應 26
