2015沙巴(亞庇市)自由行旅遊攻略—6日5夜篇
沙巴(Sabah)係馬來西亞聯國其中之一，而沙巴既首府亞庇(Kota Kinabalu) ，又稱KK市 一向係港人既旅遊勝地。亞庇位於熱帶區，而且擁有真正既陽光與海灘，係愛水人士必到既地方。除左可以一睹壯麗既景觀同玩盡唔同既水上設施，大家仲可以一嚐馬拉風味既小食，例如喇沙同咖央，係一個可以滿足曬您”五官”既地方！所以如果您鍾意小動物既，呢度重有頻臨絕種既長鼻猴同市區好少見既螢火蟲睇添！
旅遊攻略—沙巴KK市 自由行篇(6日5夜)
內容包括：
此攻略分為上、下兩篇。
【2015沙巴6日5夜自由行攻略】(下篇) 重會有更多沙巴自由行既攻略！
P.S以下資料只供參考
天氣
亞庇屬於熱帶氣候，一年四季都為以夏為主，平均氣溫大約23℃-33℃。所以平日普通T-shirt加短褲就得，不過10月至3月就係當地既雨季，大家去既時候記得要帶備雨具！
提提大家，為左尊重當地文化，建議各位唔好係公眾場所穿著得太過暴露。
來源: http://www.hko.gov.hk/hko/wxinfo/climat/world/chi/asia/se_asia/kota_kinabalu_c.htm
匯率
港幣兌馬幣
HKD10 = RM4.75
來源(4/6/2015): http://www.oanda.com/currency/converter/
P.S 大部份旅客都不選擇係機場兌錢，而係去市區既Wisma Merdeka或 Centre
Point，因為兌換率比較好同划算。
語言
沙巴主要既語言係馬來語同英文，不過部份華僑都識普通話同少量廣東話。
時區
沙巴時區為GMT +8:00，與香港時間一樣，所以並沒有時差。
來源: http://zho.timegenie.com/city.time/mybki
主要交通工具
亞庇主要既交通工具係巴士、的士等，不過大家就要留意係沙巴係冇地鐵既。大部份係KK市既景點同食肆相距唔算太遠，想慳錢或者想周圍欣賞下景色既就可以選擇行路。
CityBus (市內巴士)
http://www.kotakinabalucitybus.com/
優點：
→比較平
缺點：
→要自己留意幾時落車
→等車時間唔定時
的士
優點：
→比較慳時
缺點：
→比較貴
更多沙巴旅遊資訊: http://www.sabahtourism.net/tc/
Day1：
一係亞庇機場落機，大家正常都係懷住期待既心去迎接熟識既陽光同陌生既地方。不過攞住咁多行李，緊係返左酒店先啦！
大家可以搭的士或者機場巴士去到市區，的士既車程大約15分鐘，車費大約RM30；機埸巴士則要等1小時1班，車費只係每人RM5。
|
酒店 |
Cititel Express |
Dreamtel |
GRANDIS
|
LE Méridien |
|
價錢(抵) |
★★★★★ |
★★★★☆ |
★★★☆☆ |
★★☆☆☆ |
|
特色 |
價錢夠平，性價比高 |
-有機場巴士到 |
邊度都可以望到無敵海景 |
-Infinity Pool |
|
房間舒適度 |
★★★☆☆ |
★★★☆☆ |
★★★★☆ |
★★★★★ |
|
整體 |
★★★☆☆ |
★★★☆☆ |
★★★★☆ |
★★★★☆ |
我地比較建議大家去KK市內既酒店，因為交通會比較方便，同附近既食肆同購物地方都比較集中。
通常港人都會選擇入住Cititel Express同埋Dreamtel，雖然只要有3星級但勝在夠平；
四星既GRANDIS係2014年新落成既，勝在夠新同望到海景；
五星級既LE Méridien位於KK市最好既地段，勝在近其他KK市內有名景點。
放低曬所有野就可以落去行下街、食下野啦！不過驚自己唱唔夠錢之類？咁就去Wisma Merdaka行下，順便兌錢啦！雖然去過既人都認為嗰度匯率較好，但始終匯率唔穩定，大家唱之前最好比對下先！
1) Wisma Merdaka係Gaya Centre附近，係一個無論本地人同遊客都好鍾意去既地方。入面有好多唔同手信店同飾品店，而且有小食買，岩曬忍唔住要買野但又肚餓既您！
值得去既程度：★★★☆☆
2) 如果想係開始旅程前了解更多沙巴既旅遊資訊，大家就可以去位於加雅街(Jalan Gaya) ，Hotel
Sixty3附近既沙巴旅遊局，入面有電腦比人搵資料&唔同有關沙巴既小冊紙比人免費取閱。
值得去既程度：★★★★☆
3) 亞庇市內有好多小食，所以唔洗驚搵唔到野食。沙巴旅遊局行前小小，就有當地馳名既咖央專賣店—富源。咖央既材料有椰絲、蛋、砂糖同牛油，與麵包一齊食有種莫名既配合。
值得試既程度：★★★★★
再續繼行前啲，就有沙巴馳名既海南雞飯店—五星。店員大多識講廣東話，所以份外親切。
值得試既程度：★★★☆☆
如果覺得海南雞飯普通？隔離就有一間以喇沙做賣點既店—怡豐茶室，想一嚐地道風味既喇沙同牛雜，就一定唔可以錯過！
值得試既程度：★★★★★
4) 食完就可以周圍行下啦！想睇下景點既，Dewan Street旁邊就隱約見到艾京生鐘樓。鐘樓係為左記念KK市第一任總督Francis
George Atkinson而建造既。
值得去既程度：★★★★☆
之後各位就可以去附近既信號山觀景台，觀景台上有免費Wifi，大家可以即刻將靚靚風景相上傳上Facebook。
值得去既程度：★★★★☆
5) 如果想買返張電話卡既，大家可以去Centre Point。呢度入面有好多唔同類型既貨品買，電子野、鞋、美容產品都有，而且價錢便宜。大家仲可以係度帶電話卡同兌錢，匯率都唔錯架！
值得去既程度：★★★☆☆
6) 行完仲可以去附近既榴槤王買手信添，除左唔同榴槤既副產品，入面重有其他沙巴特產買，最適合買泥送比親友！榴槤王既招牌手信就係榴槤酥同東革阿里蜜糖。
值得買既程度：★★★★☆
7) 入夜了，大家就可以去芙蓉燒蟹海鮮村食晚飯。呢度既招牌菜—芙蓉燒蟹更加係本地人都強烈推介既！
值得試既程度：★★★★★
8) 行左咁耐，如果大家見攰，就可以返酒店休息下&享用下酒店入面既設施，好似泳池之類！第二日我地就會推介大家參加一啲Local Tour，離開KK市玩下！
Day2：
為左令大家Plan行程既時候唔好咁趕急，而且同當人發生言語上既誤會。我地建議大家可以係香港報定唔同既Local
Tour，讓自己係旅行既時候更放心。
如果係一家大細，TravelFever建議可以參加《珊瑚灣浮潛獨木舟夜探螢火蟲全體驗》，呢個一日遊帶大家去玩齊浮潛同獨木舟，大家重有機會觀賞到長鼻猴同日落；夜晚重可以睇到市區好少見既螢火蟲添！
值得去既程度：★★★★★
費用：成人HK$898, 小童HK$678
費用包括：
鍾意靚景同浮潛既您，就可以參加《美人魚島Mantanani Island浮潛暢泳一日遊》，美人魚島係出名既浮潛聖地，而且堪稱「無瑕海底世界」！沙灘上幼白的沙同海入面無數既海洋生物和珊瑚，令美人魚島成為左浮潛同潛水既天堂。
值得去既程度：★★★★☆
費用：成人HK$588, 小童HK$488
費用包括：
夜晚返到酒店覺得肚餓，或者仲有精力周圍玩同飲飲食食既朋友，就可以去菲律賓市集(Filipino
Market) 。朝早，佢係一個買生果、蔬菜同雜貨既街市；夜晚，佢會搖身一變，變成一個買小食、飲品同精品既夜市！
值得去既程度：★★★★★
Day3：
大家可以選擇Join Tour繼續玩，又或者去繼續Shopping！
想同三五知己或者屋企人去瘋狂購物？我地有兩個大型購物商場介紹比大家，分別係沙巴曙光購物中心(Suria
Sabah) 同 1Borneo Hypermall！
1) Suria Sabah 位於GRANDIS附近，係KK市內數一數二有人氣既大型商場。除左有名牌店同超市，入面仲有個對住無敵大海景既Suria
Food Court同戲院！超市有齊沙巴既本地產品，想買手信話咁易！行到攰又可以去High Tea或者睇場戲，價錢亦唔算特別貴，以戲票為例，普通2D戲只係$2,30港幣。
值得去既程度：★★★★☆
2) 1Borneo Hypermall 就離KK市中心大約20分鐘車程，係全沙巴最大既商場！由Warisan
Square搭的士去大約RM30。唔少旅客甚至當地人都會去嗰度呢度吃喝玩樂！雖然係大型既商場，但店舖同餐廳既價錢都平易近人，入面亦有大型超市Giant，最少大半日先行得曬！而且好多去過既人都強烈推薦咖啡店—Secret
Recipe既榴槤芝士蛋糕！
值得去既程度：★★★★★
無論玩到攰定行到攰，大家都可以去位於J.Berjaya 3既Helen Beauty Reflexlolgy按摩，舒服下。網上對呢間老牌子既按摩店評價都非常高，環境都好舒服同衛生。
值得去既程度：★★★☆☆
夜晚，大家就可以去到有名海鮮餐廳—大茄來，食返餐海鮮大餐！由於食物都唔係「海鮮價」，價錢合宜又地道，所以係唔少人去沙巴都會泥食既餐廳，招牌菜就係奶油老虎蝦！但係由於多人去”朝聖”
，所以最好就0700p.m前去到啦！
值得試既程度：★★★★★
待續.... 【2015沙巴6日5夜自由行攻略】(下篇)
============================================
感謝 TravelFever 提供以上資料
TravelFever的網誌: http://travelfever.mysinablog.com/
============================================
累積瀏覽 67110
全部攻略 77
全部回應 26
