♡有驚喜的育嬰室@香港公園育嬰室

早幾日余媽媽一家到山頂玩, 

途經香港公園就順道到呢度嘅育嬰室換片~

育嬰室對向太古廣場出口, 十分易找~

雖然呢間育嬰室係公厠隔離, 

但環境都幾乾淨, 

入到去感覺也不錯, 一齊睇睇！

入面有一個房間, 

每次能讓一個家庭使用~

如果出面可以加個換片位就更好, 

以縮短輪候時間 

(幸好, 當日中午時段都唔洗等位)~

房間內設備大致齊全, 

亦有風扇和通風系統, 衛生環境不錯~

有大大的換片台, 而且高度適中, 

讓媽媽能舒服地換片~

BB換片時可以望住牆上可愛的BB相, 

快樂地換片, 唔會因陌生地方而害怕和哭鬧~

垃圾桶就置於換串台側的地上, 十分方便~

換片台旁邊亦有洗手盆和洗手液~

更有一面小鏡子~

不過, 可能因環保關係, 

呢度無抹手紙提供, 只設乾手機~

而房間的另一邊竟然有部冷熱水機, 

方便媽媽開奶, 

呢方面令余媽媽非常驚喜~

隔離更有一張頗舒適的梳化, 

媽媽可以坐係度餵奶~

以一個由政府管理嘅育嬰室來說, 

呢度嘅設備已經算是不錯! 值得一讚! 

希望政府係呢方面能繼續努力, 不斷進步! 

照顧廣大父母的需要~