仲有2個幾星期小齊就開始放暑假,
仲記得舊年暑假佢玩到天昏地暗,
玩到心都創, 功課唔肯做 (我都明白o既, 有得玩梗係玩左先)
玩到最後一刻為止... 開學果下都唔係好專心
我覺得今年唔可以咁樣樣
因為一放完假就要去考學校面試, 我驚佢完左暑假都未回魂咁就大件事
有見及此我決定今年暑假只可以"局部" 玩,
要花返 d 時間o係正經 o野上面
玩方面我就唔擔心咖啦,
已經安排左會去一次台灣 + 一個 short trip (去澳門之類)
另外表哥表弟個個星期都會o黎 hea 幾日,
小齊都好識得為自己"謀福利", 唔駛我講佢地又一定會瘋狂 fever! 飲飲食食咁~
玩樂之外我希望小齊鞏固一下 K2 學左o既知識同埋練下d 說話技巧,
所以幫佢報左個 story telling 班試試反應 (我都未試過, 唔知好唔好, 不過唔理啦試試先)
日文班方面 2 年級課程 6月會完成, 7 , 8 月會有段時間小休, 有段時間就要返暑期班,
暑期班時間會較短, 玩下做下手工咁, 叫做 keep 住聽下日文
如順利升班 9 月就會係日文通識 3年級開課囉
小齊上多兩堂普通話班呢 6月尾就會完成課程, 然後 7月尾我幫佢報左個公開試,
暫時我諗佢係跟到課程o既, 但有d 內容就唔係好熟 (媽媽暑假要抽時間幫佢練練~)
無論點都好啦, 考埋個試我地普通話就會停停咖啦。
英文方面我有d 太大想頭幫小齊報左 Movers, 又係7月尾考 (仲要同 PTH 一個星期)
冇報班我自己教佢, 我而家有D後悔...
呢個女呢... 比較依賴, 明明識o既但有時要靠我解釋同監場先肯好好做,
一見深字就成個定左格咁, 唔會嘗試下破解 (但考試又點會有媽媽o係身邊呢?)
不過我都明白呢d 答題技巧o既o野唔係咁快可以教到同實踐到
我都知道佢咩程度, movers 範圍太深小齊仲有好大段距離, 成績如何我冇期望,
只希望o係預備時間當中令我地大家都有d 得著
(好彩係我自己教, 唔駛o徙錢, 雖然就嘔血o的~)
另外o既興趣班就睇下時間 (有冇人湊佢去) 同小齊自己咩意見先決定
應該會o係音樂/繪畫/體育中揀兩個比佢調劑下,
小齊喜歡畫畫, 游水就話麻麻,
樂器未正式開始學, 暑假可能比佢試下d 音樂班, 之後可能要選定一樣半樣o黎學
暑假多 d時間希望小齊幫下手做簡單o既家務,
自理能力亦要做得更好, 沖涼我而家都放手比佢自己沖,
係洗頭就未得, 要我幫手 (長頭髮比較煩)
放埋暑假就會係 K3 大姐姐啦, 要顯示出大姐姐o既風範哦小齊!
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
