一部阿根廷黑色喜劇。看過
《瑪法達》或
季諾的漫畫，有點似曾相識。
大陸譯作《荒蠻故事》怎樣說呢？為甚麼不是「蠻荒」？如果是
《蠻荒故事》頗貼切，好像發生在偏遠地方的故事，誰料與我們日常生活息息相關，躲也躲不開。六個故事串成，看似無關獨立成篇，實為一個銅鈿的兩面，是喜是悲最後能否扭運乾坤，往往在於一念之間。
航機上的故事，馬上就想起個多兩個月前發生在法國墜機的德翼航空事件。人生有恨一點也不出奇，但將恨如數簿一樣也有紀錄，做人真係太辛苦，一次過解決都算係人生快事。
當個機師做得如此徹底，面對一個惡人又怎能夠手軟？你唔郁手總得有個人行動，毒藥唔得再來個手起刀落，這才是大快人心。
歧視本來就是一件無聊的事，但又存在每一個人的心裏，但你係一個文明人，為何總懷著一般人的見識，拋不開身分的高低，忘記了生而平等的道理。
如果將恨轉移，將恨轉化成恨一個無能的政府應該係最容易的事，但事實政府的確就係咁無能，有時候係要施以懲戒，恰到好處之時隨時做了人民英雄。
千萬不要以為錢係萬能，除了係你就係你唔係你就唔係你的道理，還有最重要一點——係你有無這本事搵這筆錢，好多人就係不自量力，結果肯定悲慘死咗都唔知發生咩事。
來到最後應該解開這個心結。
一鋪過搞掂所有人？同歸於盡攬住一齊受難？唔係你死就係我亡？答案係除了付出之外，別無他法，你要做回你自己，敢作敢為之餘亦要勇於承擔，也得知道自己的缺點，千萬不要貪小便宜，人生或許未如人願，但起碼找到一點安慰。
============================================
感謝 MK110 提供以上資料
MK110的網誌: http://mk110.blogspot.hk/
============================================
