又黎到講修眉既美容Tips! 唔知各位sis修眉時會注意啲咩架呢？
小修自問唔係太識修眉，其實平時修眉時都係求其清走啲雜毛就算，
完全無任何修眉技巧可言。
歐亞美創專家指，修眉唔係純粹隨心所欲清走雜毛就算架，
有好多sis修眉時都唔覺意犯左修眉大忌。睇下你有冇中過伏？
1.過度清除眼皮雜毛
大部分人喺修眉時，通常都會將眉毛下方近眼皮既雜毛全部清除，
但sis們千萬唔好過度清除呢個地方既眉毛。
歐亞美創專家指，修剪呢個部分既眉毛會令眉毛同眼睛既距離變闊，
視覺會令人覺得鼻變大，眼都會望落越離越遠。
2. 眉毛角度太尖
雖然近年流行韓式一字眉，不過都有好多sis鍾情於較有角度既眉型。
不過，歐亞美創專家指，
sis們千萬唔好修眉時將眉角修得太尖太有角度，
唔係就會變左奇怪既「驚訝眉」。
3. 眉鑷太舊
唔知sis們有冇試過，用眉鑷夾左兩三次先拔到眉毛？
其實咁即係你用既眉鑷太舊喇，係時候要換。
另外，歐亞美創專家指，sis們都要定期清洗眉鑷，
以免會有細菌喺眉鑷上，而修眉時又容易感染到肌膚，
造成發炎紅腫、粉刺、暗瘡等問題。
