2014 Sabah 5D4N Schedule ● 沙巴自由行 DAY 4
《激流、華麗山廣場按摩店、雙天海鮮樓 》
29 OCT, 2014
去旅行要早起真係一件好辛苦既事呀 ! 一早就要起身換衫落去食早餐, 因為一陣做劇烈運動呀 ~ 哈哈 ! 就係玩激流~~ 我DAY 3 有介紹過臨尾尾JOIN到激流, 原來得我地呢PAIR客人~ 司機足足遲左45分鍾先到, 電話又唔聽, 真係好擔心佢唔黎接我地, 又驚有咩意外, 最後司機終於到喇~~~~ 佢個樣話左我知, 佢唔知醒 !! 不過唔緊要啦 ! 最緊要可以出發~~ 車程都要成一個多鍾, 時間關係都休息一陣先~~
沿途欣賞下風景, 其實沙巴既環境係好舒服, 藍天碧海, 又有好多樹木, 屋唔多, 感覺唔算好城市, 可能因為入緊郊區, 睇住風景都有種放鬆既感覺 !
天氣真係好好呀 ! 係沙巴我曬黑左唔少, 其實我地都唔知黎到點安排, 問司機佢又答得唔清唔楚, 只係知未夠數,所以要等陣~ 周圍行下影下相, 上面有吊橋可以行下 !
好緊張呀 ! 唔知點玩呢~~
同行有班小學生旅行,佢地都玩, 我諗唔使驚啦 !
本來呢條好低LEVEL既激流, 因為呢幾日落左雨, 都變左有D激喇 !
小學生起程~~~~ 加油呀 !!!!
我地終於有隊友喇~ 佢地四位係朋友, 兩位深圳人, 兩位馬來華人, 竟然都係講廣東話溝通, 好開心 !! 咁導師出發前有教我地跌左落水點自救啦~~又或者真係上唔返船仔要點順水流落終點(萬分好驚死, 我係驚有鱷魚, 雖然知無可能, 總之好驚啦~~~ )
講真真係好好玩, 好刺激好開心,大家一齊橕~ 有好多漩渦個陣又好驚~~ 真係堅刺激~~D相係激流公司影架~~ 最尾尾買左, 睇返都感覺到個陣玩既感覺, 因為玩激流乜都無帶, 只係帶左一部電話同錢就出發 ! 哈哈~~ ![]()
玩左一段會係一個位停低休息, 之後再玩~~ 一陣我就跌落水喇 !!
就係呢個漩渦喇 !! 已經知死梗既感覺~~~ 最後我同前面個位男士, 同左邊上角位士都一齊跌左落水~~~~~
救命呀 !!!! 真係好Q驚呀~~~ 雖然好快, 跌完個下係好搞笑~~~好開心~~~ 好彩佢地拉我上返黎~~~ 真係超刺激~~ 重點要跌落水, 先叫好玩 !! 哈哈哈 ~~~值得一試既~~~
休怎個陣用電話影架~~ 仲要帶住個膠套, 話說無買潛水殼, 係呢度買好貴, 買左個CHEAP膠袋唔濕就得喇~~
好傻, 曬到傻 太樣衰我唔想影相 ! 哈哈哈
玩完, 終點個下好唔捨得, 覺得太好玩~~ 不過就好攰囉~~~ 會包左一餐既,因為無帶衫, 濕住咁食飯 ! 唔好講好唔好食, 有D米落肚算~~~呢度係求生存 ! 哈哈哈 ! 之後就同隊友SAY BYEBYE喇 ! 我地就去左買埋相,RM70, 因為呢度無手信, 所以就買左相~~ 買完司機就車我地返酒店喇 !!
好開心識到呢班隊友, 有緣份一齊玩, 一齊跌落水 ! 好開心 :)
返到酒店當然係沖涼休息下啦 ! 今日同D水玩完, 好攰呀 ! 成身散哂~~~ 攰到唔識講野~~ 上網搵地方按摩~~ 發現華麗山廣場, 酒店行去15分鍾左右, 睇GOOGLE MAP跟住行, 好快到, 見到STARBUCKS前面就係 ! 無人行既, 唔知佢地賣咩~~~
因為好多按摩店, 有D好熱情, 但個樣唔得~~~ 最後搵左呢間~~ 上網有台灣卜友去過覺得唔錯 ! 我按完都覺得正 ! 價錢對當地黎講合理, 唔好同泰國價比, 無得比 !
地方整潔~~
WELCOME DRINK~
我記得好似按2HRS~ 按完食飯~ 我記得好似係Relax Package 1 (2 hrs)
Aroma body massage + foot reflex + foot scrub = RM127.2 (after tax)
先按腳再按身, 按腳個陣已經想訓~~~
環境舒服, 按摩師手勢都好好 ! 按完成個人鬆哂呀 !!! 實在太舒服喇~~ 可以去食飯~~
飲哂薑茶舒服哂 :)
訓到眼都腫~~ 哈哈 ! :)
老公同事介紹我地去食雙天樓食海鮮 ! 真係必食 ! 堅好食 ! 愛上左, 勁想再食 !
自已揀食咩海鮮 ! 佢會再問你點煮~~ 好鍾意呢種你想點就點既方法~~
叫左蕃薯苗 菜好爽脆~~
奶油老虎蝦 - 十個讚 !!!!! 超級好食 ! 我勁鍾意個汁呀 !!! 超大隻~~~
呢隻係椒鹽老虎蝦 , 真係比下去, 雖然都好食 ! 但奶油真係堅正 ! 個汁好香好滑~~
手掌咁大~~~ 真係堅啖啖肉呀 !
啊~~~唔客氣喇 !食喇~~~ 好食到唔想講野 !
黑胡椒炒蟹 真係勁好食 !個汁好惹味, 好香, 不停食手指回味 !!!
串燒好平 , 幾好味~~
二丁友, 勁餓到食到好飽~~ 好滿足呀 ! :)
今日真係好開心, 好玩, 刺激, 好爽, 好舒服, 好飽~~~
感謝 仙蒂小溫太 提供以上資料
個人日誌: http://cindylittlemrswan.blogspot.hk/
