2014 溫氏家族大旅行 ●台北 Day 1●
25 DECEMBER,2014
今個聖誕難得一家人齊齊出發去旅行呀 ! 短短既四日三夜好開心, 我真係好開心嫁到入呢個大家庭,真係好幸福 , 好開心呀 ! 不過全部人都去, 我老爺奶奶最擔心,所以一個都不能少,咩事都一齊, 仲有咩好驚~~哈哈哈 ! 今年黃家最悶喇~~~ 佢話無左我地唔得, 所以下年佢地都跟~~哈哈哈 ! 最緊要一齊過節,一家人丫嘛 ! 辛苦哂二姐夫個朋友喇~ 佢係台灣做導遊既~ 咁我地一行十幾廿人, 又大又細咁, 俾人安排好過自己搞呀 ! 所以呢今次我好hea~~ 跟隊算喇~~ 有時間就同老公閃左去拍拖~ 哈哈哈 ! 今個聖誕節好快樂喔 :)
真係有人接我地, 好可愛既WELCOME :)
辛苦FUNG照顧左我地一家十幾口四日~感謝
YEAH ! 上車喇 !
其實大家都黎過台北, 行程就唔理佢咁多, 佢去邊我都無所謂~ 今次既旅行係家庭聚埋一齊~ 最緊要開心 ~ 第一站台北101大樓, 周圍行下都係名店~ 哈哈~
101唔知第幾層有個好大既AREA~ 有一棵好高好高既聖誕樹~ 呢一刻我地又閃左去拍拖 :)
行返去食鼎泰豐, 食之前見到馥御牛肉干呀 ! 好好食架~~ 買買買 !
鼎泰豐
想念台灣原味十八摺小籠包
食飽行陣睇下有無野岩買~~~ 老爺幫我地影相, 角度唔錯~~GOOD !
十二月既台北依舊落毛毛密雨, 真係灰~~~
放生時間去左誠品~~YEAH ! 行下睇下書~~ 最後頂唔住好眼訓, 要去飲茶頂一頂~~~
最開心係同暄暄寶貝玩~~ 佢最怕佢阿叔, 姐係我老公~ 哈哈哈~ 但又要同佢玩~ 好搞笑
唔知坐左幾耐車終於黎到喇~~ 今晚住頭城農場呀~~夜晚就去藏酒酒莊食飯~
叫得農場喇~~ 就梗係鄉村味濃既地方啦~~哈哈哈~~ 雖然係好鄉村,只要乾淨我就OK~有時住下鄉村感受下大自然其實感覺幾正~~~空氣好清新~~我間房仲要樹林景~~ 好大自然呀~! 房既設備普通但感覺溫暖~~ 一家人都黎哂我間房飲茶~~ 無錯 ! 除左我黃爸爸, 我老公都係茶客~~ 帶哂自己茶具黎架~~哈哈哈~~ 所以太幸福喇~ 去到邊都有靚茶飲~
晚餐去酒莊食飯~~
乾杯~~~~
好豐富呀~ 大部份都係農場自己種既蔬果~~好好食~~
左上角一鍋飯最好食呀~~其實都好味~~實在太多太飽~~~
有果醋解解胃~~好酸甜~~醒哂~~哈哈
最開心環節又係放天燈同放煙花~~ 玩完就休息聽日要早起去行農場呀~~空氣一定好好~
感謝 仙蒂小溫太 提供以上資料
個人日誌: http://cindylittlemrswan.blogspot.hk/
