小齊 K2 呢一年就快到尾聲啦,
呢個星期四開埋 PARTY 就會完成晒 K2整年,
上星期五仲已經派埋成績表 (但PAPERS 就未派)
近兩個星期學校已經冇乜比功課,
大人細路都可以稍為放鬆心情迎接暑假來臨
雖然未見到 PAPERS 不過都估到7788,
中英常成績方面同上次差唔多,
係數學就差左 (我覺得我o既遺傳因子開始浮現...)
術科多左 B+, 日常表現都多左剔"第一格", 算係好左
(不過我覺得老師多數都係第一個學期手緊D, 第二個學期就手鬆D?!)
今個學期都有清潔獎 (暫時都算清潔, 哈哈, 已經有4張清潔獎, 睇下 K3可唔可以拎埋?!)
![]()
下半年o既默書都派發左證書,
多得婆婆朝早有時會一路煮飯一路幫小齊試默,
中, 英文都有好成績, 英文默書更加係不失一分, 含金量幾高喎... (唔該晒婆婆!)
當然小齊都做得好, 媽媽讚左佢同帶佢去 "fing 錢樂園" 玩左陣
(但有冇CERT 其實對佢o黎講冇分別, 去玩實際o的)
Mental 就亳無懸念, 一早已知無望攞 Cert,
來年真係要諗諗點樣搞搞D 數學佢...
下學期做功課我覺得好左DD... in the sense 佢自己做得快左
有時我放工返o黎佢已做晒咁我地果晚就會好和諧咁渡過....
字體方面就睇心情啦, 有時好D, 有時又差D,
同佢講過支筆"掘"呢就最好換換啦, 好多時佢都唔理,
寫到本功課簿烏卒卒咁
學校剛剛教寫名了, 不過之前我都教左阿女咖啦
(因為有D 面試已經開始左, 寫名算係最基本)
雖然寫得麻麻地, 但面試起碼叫寫得出...
仲有好多進步空間, 慢慢練習吧
之前見家長同MOCK INTERVIEW 後都同老師傾左幾句關於小齊上堂表現,
大致OK, 老師仲話佢講o野笑死人, 因為佢會講是非比老師聽...
有時上堂唔專心, 坐後面就會作下怪
經過埋呢一整年之後我真係發覺我女有d executive functioning problem,
簡單d 講就係冇心裝載...
我同佢講o既o野佢有時會因為唔記得而做唔到...
呢個觀察結果對我o黎講幾重要, o黎緊搵小學呢個都係一個幾重要o既因素,
睇下邊d 學校會啱佢呢隻小小失魂魚
![]()
7月本身都仲有一次家長日,
不過我地幾個月前已經plan左會去台灣玩幾日,
同老師緣慳一面啦~
K2 有2次SHOW & TELL, 其中一次我睇到INTRANET o既VIDEO,
親子美勞, 專題研習等等媽媽都已經盡量參與,
算係不辱使命交得8899,
以上之前已另文分享, 不贅
K2 識左新朋友, 到下學期大家更熟絡
我地都成日會見同學仔, 除左學校生日會之外,
小朋友都仲有好多機會約埋一齊玩!
K3 小齊又會返返上晝班, 到時媽媽又可以送佢返學
(雖然搭左校車返學之後佢話好鍾意, 我唔駛湊佢返學佢都好開心云云)
亦意味著每朝整茶點o既責任又返返我身上...
8月尾就會知道分班結果, KV 年年都會重新分班, K3 又會識到新同學,
小齊當然想同佢兩個死黨一班, 且看能否如願...
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
