2014 溫氏家族大旅行 ● 台北 DAY 2
26 DECEMBER,2014
話咁快黎到第二日喇~~ 呢邊天氣真係好好~~ 空氣好清新~~ 真係大大啖咁吸~ 成個日都精神哂 ! 一早遲左起床未食早餐就要去睇導賞~~ 介紹下農場既植物同動物, 最開心行程中有[黃金]陪伴, 真係好乖既狗狗呀~~ 導賞員話黃金每次都會陪住大家導賞, 好似領隊咁, 每次都行最前帶路~~ 真係好叻好乖呀 !
好好享受下咁舒服既環境
我地兩位化身保母, 帶小朋友們上小山坡採摘桔仔, 可以即食既~ 酸酸甜甜咁~ 我奶奶最愛~~
黃金的背影 :) 多謝你既陪伴~
好快就行完喇~~
頭城農場, 正門黎架喇~ 哈哈哈~ 其實幾鍾意咁原始既地方, 可以感受下呢度既環境~好簡單好舒服~
走之前發現有好野玩, 就係玩泡泡喇~~
等C嬸嬸教你玩啦~~HAHA~~
同小朋友玩係最開心 :)
老公又玩~ 哈哈哈~~
佢似耍太極多D~
離開就去食LUNCH喇~~ 香草菲菲自助餐~~ 都係花花草草咁~~
粟米最甜~~正~~
估唔到左下角碗牛肉麵最好食~~ 因為天氣太凍, 佢就夠熱~~
山茶花~~ 很多女士都很愛吧~
仲有DIY環節~~哈哈~ 大人細路一齊整~~開心~
宜蘭既幾米公園~ 零特別 ! 唔去都無所謂!
長榮鳳凰酒店(礁溪)
WA~~~間房好靚呀 !!
第一時間見到咁舒服 好想訓教~~
呢間酒店我都好推介, 同埋呢度有真溫泉浸, 不過係裸浸既, 位於13/F(無記錯的話)係最高, 露天風呂, 不過唔使驚, 最高係佢, 所以環境好舒服~ 雖然唔大, 一個泉池都夠~ 如果一家大細有個泳池都好岩大家去, 不過就唔好當溫泉喇~ 玩水就得~~好似係1/F~
房間設備好齊~ 飲品都係任飲~
浴室都好大呀~~ 會引到溫泉水可以係房浸~~
好滿意呀~~ :)
好喇~~ 換好衫我地準備出發去浸溫泉喇~~
浸完食自助餐, 哇~~ 好過份~~哈哈~ 不過呢間酒店既自助餐係好好食架~ 真係估佢唔到, 好有質素 ! 好推介呀 ~
非常新鮮, 同香港5星酒店差不多, 太多人係出面, 我都唔方便影相~~
最鍾意佢既甜品, 睇下幾細份, 真係好岩呀 ! 細細地又唔會浪費~ 真係好~
YEAH ! 食球雪糕完美作結~
食飽一家人行下街街, 佢地行左陣就走, 我同老公又係拍拖時間~ 去左溫泉公園
泉眼呀~ 好大煙架~~
旁邊有食腳皮魚, 我係接受唔到呢D腳皮魚, 食完人地又走黎食你~ 我接受唔到~
老公見到大啤啤酒~ 叫返杯先~ 仲要係芋香味~ 是為我設嗎?哈哈哈~
好好飲呀~ 好滑好易入口, 女生一定鍾意~~
我平時都唔飲酒既~~
轉個頭老公去左同台妹浸溫泉~ 佢好開心啵~
係度浸腳真係好舒服呀 !
傻仔自我高興~
礁溪都係溫泉區, 好多溫泉旅館, 不過礁溪有樣唔好, 就係一年到晚都落雨, 一定要帶遮, 人就無咁多, 想放鬆下黎礁溪都唔錯喔 !
感謝 仙蒂小溫太 提供以上資料
個人日誌: http://cindylittlemrswan.blogspot.hk/
