![]()
己成個星期未在此分享過文章. 因痛症未好, 晚晚放工都要去做物理治療 (大家可 add 我 Facebook 就會知我近況) 所以只有星期六日才能玩煮飯仔.
好喇! 講番昨晚煮這個日式靚湯, 當我昨日 post 出嚟時候, 就有好多朋友好有興趣問我攞食譜. 其實這個靚湯是我曾經去過一間日式餐廳所提供的, 當時我一飲就好喜愛. 時時都好想自己煮番一鍋享受下. 所以昨晚就自創煮了這個靚湯. 真係好好味. Honey 仲話個湯好滑.
(P.S. 由於燈光偏黃關係, 所以影出嚟就偏黃一點. 其實煮出嚟是白色湯底的)
材料
廣島蠔 (10 隻), 豆腐 (1 磚 - 切粒), 本菇 (1 包), 娃娃菜 (1 包)
湯底
北海道牛奶 (約 700 ml), 清雞湯 (300 ml)
清水 (300 ml), 鹽 (少量)
做法
1) 廣島蠔解凍, 用生粉清洗蠔邊位, 用水沖洗乾淨, 備用.
2) 豆腐切粒, 備用.
本菇去根, 清洗乾淨, 備用.
娃娃菜切塊, 清洗乾淨, 備用.
3) 鍋內加入清雞湯及水煮滾, 下娃娃菜煮約 5 分鐘, 加入牛奶, 豆腐及本菇煮約 12 分鐘後, 加入廣島蠔煮 3 分鐘及下鹽調味, 就熄火焗 10 分鐘就有靚湯飲了.
愛心小貼士
其實最後可以不用熄火焗的, 只是我個人喜歡這個煮法.
謝謝分享, 我已經收藏左
