最近種種

08.07.2015

最近工作好忙 , 不是上海空管就是北京空管 , 所幸的是合約期到 , 少了兩間航空公司 , 每日客量減少了 100 . 看似空閒了 , 實質小地勤又要開工趕每個月頭既 Admin 工作 . 前日 , 公司洗手間內的 Lotion 連樽被客人偷走 , 下班後 , 我還要走去買返幾支 Lotion . 再有錢既人都係有貪念的 . 貴賓室內常有光鮮的小偷 . 買完 Lotion 回公司的路上 , 遇見一位連名字都不知道既朋友 . 機場係一個充滿人情味既地方 , 我轉眼間在這裡工作了十年 , 而他 , 我只知道是 Regal 的人 , 他也在這裡 20 年了 , 當年 , 他仲打算介紹我入 Regal 做 , 大家算是朋友吧 ! 起碼雖不真的認識 , 但每次不此 Hi/Bye , 還會說上幾句 .

公司前排同事之間出現問題 , 每日都為好小事而嘈 , 其實好煩 . 小地勤都只能由被針的其中一位 , 轉左做中間人 , 兩邊都勸下 . 而不受影嚮的同事卻因此事 , 好多話唔想理是非 , 正想早日離開 . 事件終於去到陛下那裡 , 陛下做了她應該做的 , 現在又回復安寧 , 看似太平 , 我都唔希望混入此事 , 我想安穩做事 . 年頭幫了一位 Y Class 客人搵弟弟 , 得到佢比機管局既表揚信 , 最近公司決定攪大件事 , 相信大家今年出遊 , 會係某角落見到小地勤既得獎俏像 , 到時別笑我 ~

小地勤有個由幼稚園睇到佢讀小學既姪女 , 最近我媽感到老了 , 沒能力再去照料她 , 想交還返比佢係大陸既媽媽 . 我好傷心 , 有感情 , 亦為此事煩了很久 , 白頭髮一夜之間長出了很多 , 身邊既同事同我講 , 我先留意到自己一夜白髮 ! 做香港女仔比做大陸女仔來得好 , 活得自由 , 有能力養自己 , 世界也比較大 . 最重要係香港男仔都寵壞佢地口中既港女 . 做港女可以講男女平等 , 沒有被迫婚及迫生仔既壓力 . 我不希望我由細看到大 , 功課由我教的小公主 , 返去鄉下書未讀完就嫁人 , 自始開始生仔生涯 , 每日為湊仔同老公忙不停 ...

我妹妹最近細屋搬大屋 , 打算接埋我姪女去住 , 等佢可以繼續留係香港讀書 . 佢為我解決了一煩腦事 . 而我最近亦為結婚開始準備 , 我不想花錢大攪 , 但看來十幾萬洗費都係走唔甩 , 又要過大禮 , 又要買餅卡 , 又要裝修間屋 , 正整主人房都要 5 萬起 , 又要裝過曬電燈 ... 其實都好煩 !

最後一件事係股市大趺 , 小地勤貪字得個吉 ! 本來想早日退休 , 但都要看時勢 , 時勢話我知 , 現在股市大趺 , 人心惶惶 , 小地勤要把握依個機會 , 搵錢入市 . 每次人心惶惶 , 小地勤就做頭牛 , 努力工作 , 更加節儉 , 趁低吸納 ! 上次大升 , 我慶幸我放曬所有基金 , 依筆錢將會幫我得到更多 , 我仍相信 5 號仔可以重返 75 蚊 !