探險家攻略 > 購物 > 飲品美食 > 蝴蝶酥與曲奇餅@Conte de cookie~

蝴蝶酥與曲奇餅@Conte de cookie~

由 helenhlblog 於 2015-07-10 00:00:00 發表 | 累積瀏覽 1652

分類：飲品美食；地區：灣仔

除了上次試吃的tomakukki 喫茶店, 灣仔仲有另一間叫Conte de cookie的餅店 (它有另一間分店在尖沙咀), 標榜所有用料都是天然或高級材料, 於是為食的我這次就自己買了回來食~~

店子很小, 去到時店內又冇其他人, 所以店員一見到我就介紹了~ 試吃了一輪, 決定買店員推介的 “幸福樂章”曲奇禮盒 (佢話最多人買, 而且不是最貴的一盒), 加一盒杏仁味蝴蝶酥~ 2盒盛惠240蚊~

紙袋設計簡潔~~

兩盒 “戰利品”~ ~~ 散買的蝴蝶酥是用紙盒, 而曲奇禮盒上面有旋轉木馬, 感覺幾華麗~ 挺喜歡這個鐵盒的設計~

先吃蝴蝶酥~ 看來幾酥脆, 而食落真係唔錯, 有甜甜的糖味外, 還有濃濃的糖加杏仁香, 而且真係好脆口, 比起之前吃過的其他牌子 (例如曲奇x重奏)更加鬆脆, 很好食~~ 其實試食時另一款芝麻味都好香, 不過自己想了一輪, 都係想食杏仁味~~ 試過呢款, 可能下次要買吓帝苑酒店的蝴蝶酥一較高下, 因為個人覺得呢包非常好味~ 一包12塊, 好快就食哂, 仲要係自己食咗大半盒~~

食哂啲蝴蝶酥, 下一個目標當然是曲奇餅~ 打開就有一張介紹分店的卡片, 以及介紹各款曲奇餅的小冊子~ 這本小冊子都幾精美~ 原來它們已有十幾款曲奇, 今次我食的是 “幸福樂章” (希望食了有幸福的感覺~~), 就有其中6款口味~

一打開, 盒子中間有塊畫了馬仔的牛油曲奇~ 不過得一塊咋~ 其他曲奇味道如何呢?

咖啡夏威夷果仁曲奇: 很香的咖啡味, 不錯~ 不過就有點蓋過了果仁味, 但都算好食~

黑芝麻亞麻籽曲奇: 芝麻味好濃郁, 啖啖都食到芝麻同亞麻籽, 感覺健康~

朱古力曲奇: 這個朱古力味道特濃, 都唔錯, 但不算好特別~

朱古力杏仁曲奇: 朱古力味比純朱古力淡一點, 有點杏仁味, 中規中舉~

杏仁山核桃曲奇: 這個相對有點比下去, 杏仁味ok, 也吃到核桃味, 但不算特別~

海鹽牛油曲奇: 難怪它是店子的名作, 有牛油味之餘, 吃到面上的海鹽時又有淡淡的鹹味, 第一次食鹹味曲奇, 幾有趣~ 係可以食完想再食的~

其實總體來說質素很高, 這裡的出品咬落較硬身, 和上次食的t牌曲奇是截然不同的感覺, 上次是細細塊好薄脆, 這次是大大塊的硬脆感~ 都係覺得幾好食~

希望大家唔好覺得近來成日幫人 “賣廣告”, 每盒餅食都是自己用真金白銀買回來, 試完再同大家分享, 真心想推介好吃的小食給大家~

有興趣可以看看它的網頁同FB~

http://www.contedecookie.net/