BB第一份禮品包~

之前上網找資料時, 見到 “寰宇家庭” (World Family) 有得申請免費的甜心寶寶禮品包~ 於是就試吓申請, 又寄了信來有得去攞喎~ 於是剛開始換領期就去拎啦~~


信入面除了領物信之外, 就有這本小冊子~



入面都有一些幾有用的胎教資訊~ 當然其中一項就是聽多點英文兒歌, 建立學習英語的環境~

小冊子入面仲有呢隻CD, 有幾首英文兒歌, 就係可以用來胎教的幾首兒歌~ 除了ABC歌, 其他歌曲都未聽過的, 都幾好聽的~ 不過真係要有恆心播俾BB聽~

“領獎”就要去朗豪坊的公司辦事處~ 原來除了領物, 公司的推廣員都會再詢問一下寄來的小冊子同CD有用嗎, 又推廣少少它們公司的理念, 不過他們都不太hard sell, 最後給了卡片就走得啦~ 其實正常嘅, 拎免費禮物當然有 “代價”, 不過暫時就冇諗住參加, 不過知道好多家長都會買俾BB或小朋友聽, 但價錢又唔平, 所以心大心細, 考慮吓先~


成個禮品包很多物品~~



入面有一些BB尿片試用裝, 小毛巾, 兒童龜岺膏, 濕紙巾, BB米粉, 舊親子雜誌, 仲有一大堆優惠劵, 第一次拎到咁多同BB有關的禮物~ 要繼續留意更多同BB有關的優惠先, 嘻~


當晚拎完禮品包, 就去了吃晚餐~ 老公選了Holly Brown~ 其實冇諗過它有熱食, 因為知道它出名食甜品~ 兩人都叫了熱檸茶, 近來都是飲這個, 感覺比較健康~


老公叫了一個豬手意粉~ 醬汁有少少辣, 不過味道尚可, 但老公覺得那些豬手粒不似豬手肉…唔, 我都覺得似厚煙肉多啲~


自己叫了一份卡邦尼煙肉意粉, 可惜實在不太喜歡……蛋黃本來是流心, 挺不錯, 可是蛋白卻是苦味的……有一刻都懷疑是自己味覺問題, 定係隻蛋有問題, 但我從來未食過苦的蛋白……意粉汁味道亦是怪怪的, 不像平時食開的卡邦尼汁的味道, 而且汁醬很稀……結論就係唔好食, 不過唔好浪費, 加上肚餓, 結果都係食咗…下次唔會再叫啦……

可能呢間店的熱食麻麻, 所以晚市繁忙時間都唔駛等位, 而且其實幫襯的人大多都是吃甜品或者飲咖啡…可惜近來不能吃雪糕, 唯有第時再來試甜品了~

http://www.worldfamily.com.hk/

http://www.hollybrowncoffee.com/zh/index.html

http://www.openrice.com/zh/hongkong/restaurant/%E6%97%BA%E8%A7%92-holly-brown/192912?tc=sr1

============================================

感謝 helenhlblog 提供以上資料

helenhlblog的網誌: http://helenhlblog.blogspot.hk/

============================================