DINO BIRTHDAY PARTY 2015

我諗以後都冇人會再信我，唔會幫野人搞生日會

特別係虎爸!!!!!!:P 哈哈哈哈

事緣我今年確實咬牙切齒講咗好多次「唔搞!!!」

小虎都問我好多次，係唔係肯定唔搞

朋友問我，我都話冇乜時間，所以唔搞

但最終我擺脫唔到心思思嘅感覺。。。

5月都已經到，我先開始籌備野人生日會

雖然今年真係史無前例地趕，但今年有個優勢好過之前咁多年

就係唔使諗主題!!!!(真係慳好多時間呀!!!!!)

因為野人今年喜好實在太出

基本上唔使問兩隻嘢，都知一定揀「恐龍」

今年我確實冇時間分身設計INVITATION CARD

所以請虎爸出手幫忙。。。結果大獲好評，哈哈哈哈

好認真的製作花絮。。。嘻嘻



主題冇異議，只係揀蛋糕上有少少分歧。。。

明明揀了以下幾個我認為好得嘅恐龍生日蛋糕款，再俾野人揀



點知俾佢地無意中見到以下呢個有感覺爛溶溶嘅火山蛋糕

從此一直堅持要呢個「爛溶溶」 -___-

就連幫野人整咗幾年生日蛋糕嘅WORKSHOP都對呢個選擇有點卻步

(當然啦，人家都要保住自己嘅名聲呀!!!)

最後，我只係同WORKSHOP講。。。

「你設計一個感覺似呢個爛溶溶，但又唔太樣衰架啦」

已經第三年幫野人做生日蛋糕，對WORKSHOP有信心!!!!!嘻嘻

每年籌備生日會，最花我時間就係揀埸地佈置、回禮禮物等等的物資

我有選擇困難症嘛，二揀一對於我已經好難

何況呢類佈置物資，SORT OUT恐龍之後

都仲有十幾款睇得上眼，真係揀死我!!!!!!

最終+埋野人意見，揀個無咁多顏色的主題(兩隻嘢唔LIKE鮮色)

橫掂網購開，順便買一大堆唔關生日會事嘅嘢，哈哈哈哈!!!!!

這個恐龍剪影蛋糕圍邊，大愛!!!!

這個影相道具，係近幾年PARTY必備佳品 :)


今年真係特趕，所以去到生日會前一個晚上

做回禮包裝時，有部份物質其實仲未到達!!!!

係生日會當日早上，親身去物流公司拎!!!!!真係趕到無命!!!

每年生日會堅持加入新元素

今年好有心機幫野人SET UP一個BDAY CAKE TABLE!!!!

成品真係超滿意!!!!!





最正係個DINO-EGG，哈哈哈哈

咁靚嘅BDAY CAKE TABLE，當然要影多幾張相!!!!






今年生日會另外有樣史無前例嘅事

所有食物都係虎爸一手炮製，真係頂瓜瓜+誇啦啦!!!!!哈哈

絕大部份生日會來賓都係野人自己邀請的。。。

由於我冇限制佢地邀請人數，所以場內有少少迫:P

小朋友玩呢個蒙眼遊戲，好好笑!!!!




大笑第一年來湊熱鬧 :)



最驚訝嘅來賓係野人嘅老師

真係冇諗過，老師會賞面出席 :)



還有特別鳴謝野人同學仔媽媽義務扭氣球

各位有需要搵人幫手扭氣球的朋友仔

我可以幫你做中間聯絡人，認真的，因為真係扭得好出色!!!!!

生日會，重點當然是CUT-CAKE TIME

P.S.今年認真唔好意思，時間有點RUSH，未等齊人已切蛋糕:P



唔知野人係咪記得上年支蠟燭俾其他小朋友捷足先登吹咗

所以今年兩隻嘢(特別係哥哥)都好謹慎地吹，哈哈哈哈



今年生日會的程序安排，係有1.5小時玩PLAYHOUSE嘅時間

我諗各位爸爸媽媽都好滿意呢個安排

因為個個小孩去唒玩，大人就可以安安落落靜靜地閒聊 :)

而且喪玩完個半鐘，小朋友體內嘅電一定放唒，夜晚實好好Zzzz!!!:D






派埋恐龍系回禮小禮物，生日會完滿結束 :)



生日會開心之餘，另一令野人開心事當然就係有得收生日禮物!!!

今年太忙，稍一不留神，提大家去UNICEF – I DONATE MY BIRTHDAY

所以搞到如此多禮物的場面。。。(物質太豐富，真的需要減減!!!)

88掛掛，要睇隔離拆咩禮物。。。


今年恐龍系禮物一定「無。得。輸」!!!哈哈




後記:

每年生日會，本人聽得最多一句說話就係「媽媽，辛苦唒」

當然每次籌備生日會都有感到精神+體力辛苦嘅時候

(除非完全冇出力唧，有認真去做一件事，一定會帶少少辛苦:P)

縱然有辛苦時，但每年都如此落力

為的當然是令野人有個開心、難忘的生日會

另外，也是每年給自己一個慶祝的機會

慶祝5年前，生命裡滿有祝福地同時出現了兩個小生命

真心多謝野人，給我每年這個"辛苦哂"的機會 :)

============================================

感謝 3BMaMa 提供以上資料

3BMaMa的網誌: http://www.bbbmama.blogspot.hk/

============================================