攻略日期：2015-07-18
是次消費：每人平均約HK$ 108.00
行完書展已經3點幾，見到呢間就入下去！
傳統風格，無咩豪裝
$50鹵水素鵝
阿姐問我哋素鵝要唔要炸，好似第一次聽過原來素鵝可以唔洗炸，所以就試下。原來就係有鹵水汁嘅腐皮卷，不過呢個腐皮卷有竹筍、木耳同紅蘿蔔
$78 雞火乾絲
即係豆腐乾+雞絲同金華火腿，味濃好送飯
$120餛飩雞
阿姐話1/4隻雞，我相信唔知。餛飩皮稍為厚，不過都係正常嘅，因為浸落湯度好耐都未爛，同皮好滑。雞湯好順喉，菜吸收曬D精華，反而最好食。
當好多人準備走之前，唔會有人突然收走你D嘢，等你走得快D。個侍應反而會話，『埋單係果邊，最緊要只齊D嘢！』
老店好似都已經買少見少啦！
豆漿同菜飯唔知幾錢
加一同$2茶錢X2人,埋單$306
