今日同大家分享既係將軍澳的香港單車館，這裡有分為單車館及單車館公園，但這個公園是不可以踩單車，認真攪笑！
另外也不要搞亂，單車館是一般人(李慧思除外)不會在內踩單車的體育館。所以其實單車館同單車館公園都唔係俾普通巿民可以踩單車的地方！真係滴汗...
不過我今日都同芊芊去咗呢個地方
第一話說我夜晚約咗上舊同事新家吃飯，所以順便嚟呢度望吓
第二單車館雖然唔可以踩單車，但係裡面有個兒童遊戲室，都幾大都寛敞！
仲有今日落大雨，所以嚟呢個地方玩吓係最好不過。
附近有條天橋直接到達單車館! 從外型睇都幾壯觀!
呢度話大唔大，不過今日嚟咁少人就覺得幾大，呢度係分時段開放，我最欣賞呢度係有上限入場人數，我估係唔想令到個場好快被人破壞
佢每個小朋友一定要有一位大人陪同，最多40人，即20小朋友+20大人！同埋佢有3個保安員在當值，十分安全！
我哋一入到去就先除鞋放好，在門口附近設有數十張膠櫈俾家長坐，真係安排周到，俾唔入場的大人可以坐喺度等
芊芊最鍾意玩呢個大斜面SIR滑梯！滑多幾次仲開始扮驚喺度叫「哎呀哎呀哎呀！」
場中間有架車, 小朋友好鍾意匿埋係車尾呢個位!
玩玩吓又嚟番呢度, 都係最鍾意SIR!
玻璃窗上貼滿唔同既貼紙 (咁啱影到出面有對父子玩捉!)
有個妹妹好得意, 喺度教芊芊應該點行, 呀芊真係好安靜咁聽佢講, 好攪笑!
之後我想上去個單車賽道望一望, 原來唔係成日有人喺度練習! 唔怪之得好多人寫blog都cap人哋張官方圖啦!
玩完出番去同招牌影番幾張相先....因為裡面凍, 一出嚟個鏡頭矇哂!
Photo by CANON 5D Mark III, Len | EF 35mm f/1.4L USM
最後我哋搭的士由單車館直去我朋友屋企峻瑩, 用咗$36, 大概10分鐘! 今晚我哋ORDER咗網上食材速遞Unifood Express, 本來諗住都係好似食buffet咁啦,叫D生蠔,剌身,安格斯咁!
日本磯燒墨魚條 (熟) ，解凍即食
火煱拼盤(自己預備, 安格斯牛除外)
南非特大納米比亞蠔 (Extra Large Namibia)
當我食既第一隻蠔!就俾我知道呢間嘢唔係講笑,D蠔係南非蠔,南非蠔為深海蠔，肉色偏牛奶白，口感是超Creamy，海水味不太重,夠大隻,根本唔駛落茄醬,只需滴幾滴檸檬汁,就已經好夠味,鮮甜爽滑,食落口腔好清新好爽口!
北寄貝
跟住再試三文魚,三文魚我識得多,呢個近皮位真係好好食,肉爽如脆鯇!
珍寶帶子厚身,夾起嚟都覺得好重,放入口未咬已經feel到好甜,咬埋落去就更加唔駛講!
甜蝦
海膽
香煎安格斯
最後打打吓邊爐朋友建議將剩番的Angus拎嚟煎, 得出呢碟「香煎安格斯」真係堅好食!
Photo by iPhone 5S
6
[親子旅遊] 將軍澳 香港單車館 Hong Kong Velodrome 兒童遊戲室
香港單車館
鴻運單車行61
香港單車遊
G-fit
InnoRacing 單車專門店
完善公園
休悠單車
大埔海濱公園