♥ 深層既保濕精華, Ah Bee從不嫌多,
因為如果保濕做得好,
皮膚就自然會靚, 呢個係不爭既事實 ♥
♥ 今次試用Peter Thomas Roth Viz-1000 高濃度深層補濕精華,
說實, Ah Bee覺得呢個品牌好陌生呀,
而online 可以搜集到既資料真係唔多,
搵咗好耐, 終於搵到d 資料喇 ♥
♥ Peter Thomas Roth 係1993年成立膚品公司,
利用匈牙利著名既多種溫泉泥&溫泉礦物質,
基本舒緩及治療哲學, 所以產品糅合古老匈牙利護膚哲學,
21世紀護膚科技及成份, 創製有效既skincare ♥
♥ Peter Thomas Roth對護膚既熱愛,
源於佢想追求有效既自身治療皮膚問題,
所以係公司自家既實驗室 + 生產設施上,
極積係公司既參與產品研發,
現時品牌已經有過百種產品, 涵蓋護膚既各方面,
適合所有類型既皮膚使用, 由頭到腳都照顧周到 ♥
♥ Peter Thomas Roth Viz-1000 高濃度深層補濕精華 HK$650/30ML ♥
補濕精華蘊含高濃喥75%既透明質酸,
同時加入多元天然修護成份: 絲質蛋白, 海藻, 蜜糖,
礦物微量元素等, 形成強效補濕精華
♥ Ah Bee 一向鍾情歐美品牌既護膚&化妝品,
所以見到補濕精華係made in USA, 加分!
另外, 產品仲得到 Superstar Beauty Awards 2009,
足以證明, 補濕精華既實力 & 受歡迎程度好高 ♥
♥ 按壓式既設計, 非常方便, 可以隨時控制份量,
每次潔面後, 搽上爽膚&軟膚水後, 就可以搽上補濕精華,
3揼既份量就已經足夠搽勻面&頸 ♥
♥ 透明嘟喱液態既深層補濕精華, 感覺水嫰,
一d都唔笠, 好清爽, 快吸收, 因為成份有透明質酸,
可以深層注入水份, 為肌膚保濕持續數小時 ♥
♥ 呢款深層保濕精華, 有別於之前試用既精華液,
因為佢無嗰喥滋潤既感覺, 搽上面後,
亦唔會覺得有一層保護既光澤薄膜.
相反, 感覺好清爽, 連細紋都完全減退, 肌膚變得柔滑咗好多,
粗糙感都消失得無影無跡, 早上返工前使用,
發現T-Zone 位置無乜點出油, 證明鎖水方面理想,
另外, 用後再上妝, 脫容可以last 得好耐 ♥
♥ Peter Thomas Roth Viz-1000 高濃度深層補濕精華,
好適合夏天使用, 將精華素放係雪櫃,
搽上面嗰種涼透心既感覺, 真係好舒服,
仲有效收細毛孔添, 掂呀!! ♥
♥ 想了解多d, click 入 <Peter Thomas Roth> 了解多d 喇 ♥
