食完個 LUNCH 又玩左N次小火車之後我地再繼續下晝o既行程啦
原先冇特別 plan 要o黎不過揸車時見到都幾近就順便行埋 --
養蜂人家
反正阿姨同汝都話想買 D 蜜糖
蜂采館類似係一個展覽館, 介紹返養蜂, 採蜜, 製造成品...
當然同時係一個門市, 而且係好啱遊客果種
有試食試飲
小齊完全唔執輸...
3歲之前我都唔太敢比蜜糖佢食,
而家大個左就冇乜限制了
試食完行行展覽區
傳說中o既蜂巢, 估唔到小齊話之前見過 (幾時?!!)
仲識話千祈唔好掂佢 ( 你知就好 !)
呢個人咁高o既都係! (嚇死人咩...個心離一離呀~)
我見到咁多蜜蜂其實有d 毛管戙...
小齊好似唔驚, 勁過我~ (居然?!)
外面有個大草地, 不過天氣真太熱太曬, 大家都選擇留o係室內
我地都係出o黎影幾張相就走...
呢度有埋餐廳, 雖然剛剛食完LUNCH 仲未落格,
不過都可以食下甜品
我去買o野食小朋友去左玩
蜂蜜雪糕, 味道幾好不過雪唔夠凍, 溶得好快
食埋雪糕我地都走啦~
book 酒店係我負責, 阿姨知我性格就提我唔好晚晚book 咁貴 XD
所以呢晚完全係 budget hotel 風格
呢間旅館o係幢大廈o既 9-12樓, 樓下有補習社...
平平地, 4人房連早餐 900蚊港紙左右啦
好在地方夠大, 景觀都唔錯
望落樓下就係羅東火車站
地點算幾方便
我地行左10分鐘左右就到羅東夜市
好似行花市咁多人...
點解台灣d 夜市咁人頭湧湧咖
今晚我地打算o係度掃街咖!!
不過天都仲光, 未想食o野住
搵d o野玩下先...
台灣o的夜市好多呢d 遊戲攤位, 什麼射槍, 飛鏢, 掉波...
雖然我覺得獎品好難拎
不過小朋友話想玩就玩下啦~
佢兩個 (特別係表弟) 玩得好好笑, 明明要等個蓋開先掉
表弟硬係要閂蓋果下先掉...haha
玩左兩次, 最後一人一個小禮物~
行多陣天都黑了, 開始覓食
好多食物我地都覺得好新奇, 作為觀光夜市羅東呢度算幾多o野睇
我之前都去過唔少夜市, 士林, 墾丁, 六合...等等
我覺得羅東呢度都算幾集中
o野食我地睇多買少, 一來唔係好餓, 二來好多都要排隊等...
最後買左幾樣咋
又再同小朋友去另類 fing 錢樂園玩夾公仔
好彩最後一人(幫佢)夾到一隻
開頭得表弟夾到小齊即刻喊...
大佬呀, 夾公仔呢家o野唔係話夾就夾咖, 你估夾餸咩?!
其實我睇得出 d 公仔佢都唔係好鍾意, 只係唔抵得人有佢冇啫
好彩阿姨真係夾公仔聖手, 夾兩次都夾到...強!
第 3 天行程完~
親子旅遊小確幸台灣 TRIP 其他文章:
============================================
感謝 敗家媽媽 提供以上資料
敗家媽媽的網誌: http://buyjiamama.blogspot.hk/
============================================
齊 ~ 閱讀樂
羅東夜市 (台灣)
釜山水族館
Thormork 冰島高地
入素 Green entrance （KCC）
六義園(東京)
中環街市
T.O.P.商場地庫
澳門英記餅家