對於準媽媽來說, 其中一個熱門活動就是聽育兒或與BB有關的講座, 又可以學多些知識, 又可以拎贈品~~ 自己都申請了一些媽媽會的會藉, 不過原來要抽中參加某些講座都幾難, 有些人在網上說幾次都抽不中, 自己都抽了一兩次都唔中~ 有日見到報紙登了這個廣告, 於是試吓報名, 又得咗喎~
這個講座除了講關於產檢, 又有講常見婦女癌症, 以及孩子過敏的問題, 個人都覺得幾個題目都值得聽吓~ 以為好多人, 點知坐滿哂都係7成人左右, 不算好迫~
第一個題目有講不同的癌症, 例如子宮頸癌、卵巢癌等的成因、後果、治療方法和預防方法等, 聽完就會警惕自己要小心健康~
第二個題目有關小朋友過敏的成因、評估方法同治療方法等~ 原來哮喘、濕疹都是與過敏有關, 雖然BB暫時未出世, 自己都唔希望佢第時出世受到敏感症的傷害, 希望第時BB可以健健康康~
聽完第二個題目, 就有中場休息~ 估唔到有蛋糕食, 仲有橙汁飲~ 自己都拎了幾件, 老公都有~
休息之後, 醫院就介紹了它們的婦產科部門, 亦有提及醫院已建了新翼, 產房同病房都更大更新~ 個人都知道去私家醫院感覺上服務、環境等都有質素, 不過真係貴啲, 暫時都係想省錢, 留多點錢給BB的未來~
最後一個題目就講產婦在懷孕時遇到的不同小問題, 例如嘔吐、水腫、腰酸背痛等如何處理, 還有分娩的過程, 仲有解答開刀好還是順產好的題目~ 個人暫時都係想順產, 希望自己復完快啲, 不過到時就要BB聽話, 好好地出世啦~
最後當然是拎禮物~ 這次可能出席人數不算很多, 於是每人都可以拎一份, 即係上圖兩張相的禮物各2份, 例如口水肩、媽媽奶粉、膠餐盒、M牌試用裝等……第一次聽講座就有這麼多贈品都幾開心, 希望第時BB有用啦~
============================================
感謝 helenhlblog 提供以上資料
helenhlblog的網誌: http://helenhlblog.blogspot.hk/
============================================
