探險家攻略 > 休閒玩樂 / 城中探秘 / 運動 > 郊遊 / 特色景點 / 行山 > 傻人遊青山

傻人遊青山

由 ally 於 2013-04-14 23:37:10 發表 | 累積瀏覽 2206

分類：行山特色景點郊遊；地區：屯門

2013 - 4 - 14

雖然大半個月前先去咗馬來西亞的沙巴爬神山，但總覺得耐久沒有爬山了﹗去年小妹做咗四個月的毅行陪練小妹，今年終於決定要正式參賽啦，雖然還不知道抽唔抽得中，但小妹無論心理和身理上都想要為自己參賽作做好準備﹗最近一個多月都超級非常地忙碌，幾乎無放過一日假﹗前一晚要返夜班，今日一早八點放工，先和母親大人飲茶，跟住搭車去屯門行山啦﹗

今日要行的係青山，係全港三尖之一﹐蚺蛇尖今年一月一日號成功挑戰，三尖之一就仲差鈎魚翁乍﹗

返完夜班覺都唔訓去行山，果然係好癲﹗行青山真係啱哂啦﹗癲人先要入青山﹗

今次係我成世人第二次入屯門，原來沙田有車入屯門，﹗以前聞風喪膽的屯門公路原來一D都唔塞車﹗40分鐘就到啦，超快喎﹗屯門市中心的設計風格同沙田一模一樣，差D以為自己係沙田添呀﹗

由屯門市中心穿過對面的公園行大約十五分鐘就去到青山山腳啦﹗以前聽人講青山有好多分岔路，指示亦欠奉，如果無人帶路千祈唔好自己上，好易蕩失路架﹗聽朋友講上山的路都有好多條﹗今日我地由工業學院旁邊的車路上山﹗

以前見到斜路好驚，其實依家都驚，不過經過"長期專業"的訓練，小妹行斜路的功力亦大有長進啦﹗

行完斜路就會見到青山寺﹗青山寺左邊有條砌得好靚的石級路，沿途仲會見到好多電塔添﹗好鐘意影呢D交錯的線條﹗

遠望有支發射塔的位置就係青山山頂啦﹗其實青山唔算高，出名斜﹗

不過沿途的路都鋪得好好，斜度亦不大﹗就算係普通人都好輕易可以上到去﹗完全感受唔到佢的難處係邊喎﹗莫非佢同蚺蛇尖一樣，上山容易落山難？

青山山頂的發射塔群真係好壯觀呀﹗果D圓碌碌的鼓狀物體唔知係咩東東？

上到最高處，轉右往發射站方向行，一個鐘都唔使，話咁快就上到青山山頂啦﹗

第一次係高處腑瞰屯門市中心，除咗多咗一個大海之外，感覺同沙田差唔多喎﹗可惜今日好大煙霞，如果唔係應讓可以睇到機場架﹗

係發射塔附近有一個好好笑的競技場，有啞鈴，有雙杠﹗

嘻......我舉﹗姿勢同步驟都學足奧運選手架﹗無好睇我好似好輕鬆，查實呢件野都幾重吓﹗

真係覺得自已D平衡力幾好架﹗

行山最鐘意睇花花，雖然每一次見到花花都會講同一句對白：哇，好靚呀，唔知係咩花呢？呵呵﹗仲記得2006年去埃及果陣見到好多好靚既花，返黎決定要去借本書研究吓D花，點知研究到移家都未開始﹗

話得係全港三尖，又點會真係咁簡單呢﹗原來落山的路真係好難好難超級難﹗仲難過蚺蛇尖呀﹗因為條路好窄而且碎石極細，坡度又好斜，對跑步鞋完全抓唔住個地﹗三步滑一滑﹗

難以想像我地係由最高果點滑落黎﹗對腳攰但個心仲攰，因為全程都要好小心好謹慎好驚變咗滾地葫蘆﹗

落咗山，可以向左往 "白泥" 方向，又或者右轉往 "良景邨﹗白泥？咪即係睇日落好出名果度？好呀好呀，去白泥呀﹗

通常行山都會見到呢D牌，但通常好鐘意行山的朋友都唔會理會呢D牌﹗好鐘意行山的朋友其實最鐘意見到呢D牌，因為有危險即係有挑戰即係好好玩囉﹗

原來呢段路危險唔係因為陡峭，係因為地陷呀﹗又真係幾危險喎﹗

行行呀突然間見到大洞，問咗朋友先知：原來呢條路唔係由山路開闢出黎架，係人工砌出黎架，唔怪之得會沉降啦﹗

行行吓，突然聞到陣怪味，原來左邊鋪咗綠色布的地方係垃圾堆填區﹗又係朋友話我知：堆填區通常係由石礦場改建而成，填滿咗的地方就會用綠布封實﹗原來香港得三個堆填區，七百萬人每人每日製造咁多垃圾，邊得黎咁多地方填呀，所以起個焚化爐都真係一個選擇﹗D人為反對而反對，又無實質建議如果堆填區滿咗之後有咩解決方法，我地又可以點呢？

行咗四個半鐘，終於由屯門市中心行到白泥啦﹗

由於時間尚早，太陽仲高掛半空﹗不過我地都係臨時決定行到白泥，所以睇唔到日落都無特別失落﹗

鄉郊小工程，唔知個工程有幾小呢？

村公所，入到黎呢D村，感覺同沙田大圍的村好唔同，呢度真係好有鄉村的味道，感覺上係連政府都管唔到的地方﹗太公講一句好過政府講百句﹗

回程坐小巴出元朗，終於見到少少夕陽，原來白泥的日落真係好靚喎﹗下次都要黎睇多次先得﹗

行到攰，梗係要食番餐勁既﹗由天水圍搭車出屯門，再轉輕鐵﹗話說今次係我第一次搭輕鐵﹗超好笑囉，真係大鄉里出城咁呀﹗原來輕鐵無閘門架，全靠市民自覺買飛，不過以中國人性格黎講，自覺呢家野真係幾難，相信都有唔少人走數﹗不過又聽講查票查得好嚴，為免被人捉到罰五百，大家都係自動自覺買飛罷啦﹗

本人少入屯門元朗，原來呢度除咗大之外，都有好多商鋪同食肆，呢間泰國菜就真係超好味啦﹗小妹最鐘意飲的冬蔭功湯，無敵美味呀﹗多謝朋友的好介紹﹗

今日又有好多第一次：
第二次入屯門
第一次放工去行山
第一次行青山
第一次見到垃圾堆填區
第一次去白泥
第一次搭輕鐵

為咗今年第一次的毅行者，我要繼續努力練山﹗﹗﹗

鐘意SeeWide的分享，給我們一個Like吧！

檢舉

攻略日期：N/A

攻略地點：屯門
攻略時間：3-6小時

是次消費：N/A

青山寺 / 青山禪院

地區：

消費：: $40

分類：: 廟宇

共有5篇攻略

22741

G-fit

地區：

消費：

分類：

元朗橫洲二聖宮

地區：

消費：: Free

分類：: 廟宇,古蹟

7467

張氏宗祠

地區：

消費：: Free

分類：: 廟宇,古蹟

7195

鄧氏宗祠 (屏山)

地區：

消費：: Free

分類：: 廟宇,古蹟

共有1篇攻略

12518

沙田車公廟

地區：

消費：: Free

分類：: 廟宇

共有9篇攻略

22482

屏山愈喬二公祠

地區：

消費：: Free

分類：: 廟宇,古蹟

7118

慈山寺

地區：

消費：: Free

分類：: 廟宇

7.8

共有13篇攻略

45766

共0人比"掂"

特搜總編E 於2013-12-23 14:14:07 留言
恭喜！經過「SeeWide評審團」一致通過，你的發佈已被選為推薦攻略！你不但可以獲得200經驗值，更能累積200探險里數作為開展下次探險之旅的旅費！另外，經過我們悉心細選，你的發佈被刊登在SeeWide首頁的置頂＂動感攻略＂中，還不趕快去看看！
舉報回覆
No.1