25 AUGUST,2013
YEAH ! 又大一歲喇 ! 不經不覺小溫太已經廿五喇 ! 呢個卜真係陪住我成長, 如今轉投Google, 繼續寫落去, 呢加睇返, 我岩岩寫卜個時都係廿一, 寫卜寫左四年, 實在係開心事, 可以有幸保留自己最開心既片段, 我會繼續開心寫卜既 !
一睇下面就知我25啦 ! 呢D簡單佈置我都要多謝下朋友同屋企人先, 多謝SHADOW幫我訂BALLOON, 大細佬同馬姐就幫我手佈置 , 哈哈哈 ! 實在係太好喇 , 因為我都忙住整開PARTY既食物呀 ! 雖然係我生日, 搞PARTY都係我屋企, 咁當然食物都係我安排啦 ! 哈哈不過唔少得媽咪同CAREY既幫忙, 我可以整少D~ 太幸福喇~
老公今年無送花俾我呀 !!! 不過我自己買左D新鮮既黃玫瑰同繡球花, 仲擺到兩個星期 ! 嘩 ! 成條數抵返哂 ! 哈哈哈
好靚既繡球花
YEAH ! PARTY START NOW
有好多都可以整定先既, 實在係太滿足喇 ! 因為地方細, 請唔到好多朋友, 還望見諒呀 ! 哈哈~
首次試整既BABY RIBS~ 個汁好正呀 ! 個時我亂落一通, 呢加唔知點整返~ 哈哈哈哈 ! 不過我覺得要醃兩晚會再入味D !
燒菠蘿 , 好多汁好好味喔 ! 第一次係PARTY整燒菠蘿, 大家都話正 ! 咁簡單, 下次會再整 !
第一次黎我屋企既琳琳寶貝最愛食凱撒沙律, 好姐妹我當然識做啦 !
白汁雞肉長通粉. 哈哈 ! 太早整, 有D淋, 不過味道好正架 ! 我成日都煮既~
香草腸, 梁九記有售呀 ! 我前排去左入貨, 遲下再介紹 ! 呢款腸好正架 ! 我去吉吉燒BBQ一定有既, 出面好少見有得賣 !
黃媽媽既愛心咖哩魚旦, 超級好味 ! 黃媽媽既咖哩係無人能及既 !
我的生日蛋糕 ! 好靚呀 ! 多謝黃爸媽送既 ! I LOVE U : )
整PARTY野都好簡單, 一D都唔辛苦 ! 最緊要大家食得開心~
我兩位好姐妹實在貴人事忙, 今日終於黎到我屋企喇 ! 哈哈 !
我老公同SHADOW子好FRIEND架 !
開始前影張大合照先啦 !
食食下我地終於等到CAREY喇 ! 因為佢幫手包壽司呀 ! 好勁呀 ! 而且仲好好味添, 叻女 !
仲買埋三文魚, 實在太好喇 ! 成餐BUFFET咁呀 ! 咩都有 !哈哈
地方淺窄呀 ! 因為老公買左D寶貝放係屋企阻住哂 ! 今個生日好開心呀, 屋企齊哂人黎同我慶祝, 仲有班好姐妹陪我, 太幸福喇 !
齊人可以切蛋糕喇 !
呢個係Handmade Cake ,好靚呀 !
同小溫子影張相先
WONG'S FAMILY 齊人合照
YEAH ! 齊人影張大合照先
祝我自己生日快樂, 身體健康, 開開心心, 大家都幸福快樂 !
身邊最不可缺少既好姐妹, 多謝你地
SHADOW仲整左個芒果PANCAKE添呀 ! 好好味呀 ! 多謝你呀SHADOW子
好多層, 好有心機呀 ! 等我又學下先~
開心既時間真係覺得好快, 好多謝大家, 身邊一直有你們, 實在時幸福事 ! 呢個25歲生日好開心呀 !
感謝 仙蒂小溫太 提供以上資料
個人日誌: http://cindylittlemrswan.blogspot.hk/
