28 JULY ,2013
終於有少少時間打下卜喇 ! 岩岩呢個七月尾實在太開心喇 ! 終於可以約埋細佬一齊去澳門玩返三兩日, 而且大細佬從未跟過我地去澳門吃喝玩樂 , 今次一於跟我地既行程啦 ! 雖然好多地方都去過, 不過再陪佢地去下, 都好開心呀 ! 澳門對於我黎講, 終於好多好開心既回憶, 而且仲一世難忘, 不過三不五時都會過黎澳門住返晚, 享受下 ! 真係好爽架 ! 等我講下我地今次既行程先, 其實都好隨心, 行到邊就去附近行下, 見識下, 影下相, 就咁都好開心喇 !
今次一連兩晚我地都係入住Sheraton Macau Hotel , 環境當然好好 ! 已經第二次入住, 聽晚我地仲加床添, 六個人一間房 ! 哈哈哈 ! 慳左間房錢 ~ 拎去食到抵啦 !
![]( "072801")
我地要兩張床既房, 感覺好似再大DD, 大過一張大床咁, 可能係錯覺 ~ 應該有既都有齊, 所以我都係好推介大家住呢間酒店 ! 佢經常出PROMOTION, 可以留意下 !
![]( "072802")
第一站 : 我地坐的士去官也街食D野先, 小溫子好肚餓喇~ 不過當時已經差唔多四點幾五點,食D小食就夠喇 ! 嘩 ! 我地真係一D都唔少, 成條街都食~ 哈哈哈 ! 唸唔到食咩, 就去【新利好】食葡撻啦 ! 馬姐, 大細佬未黎過澳門, 岩哂 ! 當日好好彩喇 ! 岩岩好新鮮出爐, 轉過頭隔離檯叫都無哂LU~ 好耐無食, 熱辣辣是好吃的
![]( "(love struck)")
![]( "072803")
嘩 ! 你地D食相好靚呀 !
![]( "(laughing)")
![]( "072804")
男既食麵, 女既食包, 我就叫左三文治 ~ 麵就普通, 豬扒好食~ 熱檸茶都幾好飲 !
![]( "072805")
我同馬姐都想食燕窩撻, 耐無食又想俾人呃下 ! 正確黎講, 呢個係奶撻~
![]( "(thinking)")
熱辣辣是不錯的 !
![]( "072806")
新好利美食餅店
地點 : 氹仔舊城區地堡街13-14號
![]( "072807")
食飽行官也街~ 小溫子突然想飲咖啡~ 經過見到貓屎咖啡 ! 好奇心令佢去左俾錢~
![]( "(devil)")
![]( "072808")
好香濃既咖啡 ! 一杯VANILLA LATTE , 我一啖都無飲, 我一望都知好濃, 小溫子話幾好飲, 好香, 不過太熱 ! 哈哈哈哈
![]( "072809")
我唔飲咖啡係因為我要陪馬姐食榴槤雪糕呀 !
![]( "(love struck)")
嘩哈哈 ! 好耐無食喇 ! 因為實在太貴喇~ 好似要$21杯呀 ! 又少左,又貴左 ! 無左以前咁好既味喇 ! 不過一場黎到要試試既~
![]( "072810")
唔似雪糕, 似雪芭多D~ 唉~ 少料~
![]( "(thumbs down)")
![]( "072811")
雖然貴, 雖然無以前咁好食, 但我地都仲幫襯 ~ 無計 ! 哈哈哈
![]( "072812")
【龍環葡韻住宅式博物館】
地址：澳門氹仔海邊馬路
之後我地去左龍環呢度影下相, 小妹都係度影PRE WEDDING, 帶佢地黎影下相, 我今日就係攝影師喇~ 哈哈哈
![]( "(cool)")
![]( "072813")
實在太青春 ! 睇到都覺得好開心呀 ! 有時拍拖兩個人相處其實可以好簡單~ 真係影下相, 留住開心既一刻, 第時望返都覺得好正 !
![]( "072814")
好靚~ 威尼斯人~
![]( "072815")
嘩 ! 好型
![]( "(cool)")
哈哈
![]( "072816")
今日仲係四人行, 聽日再加兩人, 實在太開心喇 ! 小溫子今日個LOOK好同胞既感覺, 佢影左D大陸POSE, 我無辦法放上黎, 實在
![]( "(I don't want to see)")
![]( "072817")
我地決定行去威尼斯人, 好耐無咁做過, 原來加左D行人電梯路, 快好多 ! 好耐之前行到傻呀 !
![]( "072818")
成個迪士尼咁~
![]( "072819")
遊客到步影張相先~
![]( "072820")
哈哈哈 唔同景點
![]( "(big hug)")
馬姐好FIT呀 ~~衰豬~~
![]( "072821")
差不多入夜既威尼斯最美~ 不過入面就差左好多, 簡直不知所謂 ! 完全係大陸黎架 !過兩日卜再有講, 算 ! 外面尚算美麗寧靜 , 就欣賞外觀好喇 !
![]( "072822")
影左好多相~好開心呀 ! 行返黎呢到~小溫子同我求完婚,我地就落左黎呢度影相~ 當時仲要無帶腳架, 每次行返黎呢度, 感覺都好SWEET
![]( "(kiss)")
![]( "072823")
我地住中間~
![]( "(big grin)")
![]( "072824")
好靚
![]( "(love struck)")
![]( "072825")
舉杯
地址: 海洋花園區氹仔華寶花園地下113-115號舖
![]( "072826")
影完相都夜喇~ 我地坐的士去食飯, 今次黎到舉杯食烤肉, 睇下有無台灣既感覺先, 都係無台灣咁正 ! 不過佢播五月天既歌, 我同馬姐即刻好有共嗚, 我地都係鍾意聽五月天既歌~~~哈哈哈
![]( "072827")
路雲XX 啤酒 ~ 小溫子說唔錯 !
![]( "072829")
我地三個飲青檸梳打 ! 同我自己整既差唔多~ 哈哈哈
![]( "(laughing)")
![]( "072828")
烤磨菇, 好香好多汁 ! 有專人幫我地燒~ 太快活喇~
![]( "072830")
牛肉拼盤, 都幾貴, 好似要$5XX , 肉質尚算唔錯 ! 不過真係比較貴
![]( "072831")
小溫子燒栗米燒得好好味呀 ! 真係粒粒都好好味 ! 我同馬姐要安哥多一份添呀 !
![]( "(love struck)")
![]( "072833")
我無份既~ 佢地話好食~
![]( "072834")
牛舌，燒得好香口，好味！
![]( "072838")
好開心食烤肉~ 我屋企個韓燒爐仲未得閒可啟呢~ 真係搵日係屋企玩下先~
![]( "072835")
滿足的一晚~
![]( "072836")
![]( "(kiss)")
開心的四人行
![]( "072837")
燒菠蘿, 多汁到爆 ! 最後先食~ 完美作結
![]( "(big hug)")
![]( "072832")
今晚呢餐大約$300/位左右, 不過比任食好食, 又唔及台灣既好 ! 哈哈哈 ! 尚算唔錯 ! 食飽就返酒店, 我同馬姐就返去沖涼訓覺, 小溫子就帶住大細佬去玩大細喇~ 兩條友仲做戲添 ! 哈哈 ! 第二, 三日都好精彩 ! 得閒再寫~
感謝 仙蒂小溫太 提供以上資料
個人日誌: http://cindylittlemrswan.blogspot.hk/
