探險家攻略 > 美食之旅 > 餐廳 > [尖沙咀] Pre-Happy Father's DAY ● Assaggio

[尖沙咀] Pre-Happy Father's DAY ● Assaggio

由仙蒂小溫太於 2013-06-21 14:23:17 發表 | 累積瀏覽 649

分類：餐廳；地區：尖沙咀

攻略日期：2013-06-05

5 JUNE,2013
父親節就快到喇~ 不過今年正日未能夠陪伴爸B大人~ 因為溫家有大飯局~ 有成二圍半人~ 好多呢~ 而且細細佬&BIGGER妹正日都身處外地, 大家都會提早幾日陪爸爸過節~ 大家都好乖~ 仲陪爸B玩通宵麻雀 ! 完全O嘴~ 哈哈哈~ 細佬們好野~ 今年媽媽節LUNCH去左食好野, 爸爸節都要一樣~ 人人有份呀下~
今餐帶佢地去食意大利菜~ 哈哈哈 ! LUNCH都真係幾唔錯~ 大約$150/person 都幾ok ! 呢D質數夜晚價好貴喇~ 我上年生日朋友仔帶左我去灣仔個間分店食~ 好食~ 不過都貴貴地架~ ! 哈哈~ LUNCH呢D價岩哂我~ 當然味道都不錯~
時間關係~ 睇相先~~
YEAH~ 聽日OFF~ 繼續BLOG先~ 21/6/2013
環境好靚呀! 真係一切都由藝術出發~ 好鍾意呢度既擺設~ 好特別 !

有SET LUNCH~ 係包Mushroom soup / Salad bar(任食), 咁我地四個人, 又係兩湯 + 兩沙律~ YEAH ! 超愛沙律菜 (love struck)

D燈罩都好別緻呀~ 用玻璃樽合併埋一齊~ 好靚~~~ 行出D門口係個OPEN KITCHEN~ 其實就係沙律吧~

嘩 ! 好開心~ 又有菜, 又有HAM~ 真係咩都有啵~ 我真係覺得好抵食~ (thumbs up)

仲有任食既自家制麵包~ 超級好味~ 好軟熟, 真係食包都食到飽呀~ 其實佢份主菜好細架咋~ 如果你真係只食主菜就一定唔夠~ 所以菜+麵包任你食~ 咁就真係會好飽囉~ 哈哈哈哈 ! 麵包我地都叫多左兩ROUND~ 實在太好味~ 好似有D香草係面咁~ 如果我有部麵包機就好啦啦啦啦啦啦啦啦啦 (laughing)

我自己執既沙律~~ 好味道 ! 人大左超喜歡食蕃茄 (love struck)

呢杯餐茶係妹妹既~ 好香~

ILLY COFFEE~ (applause) 的確不錯 ! 我跟媽媽都叫COFFEE~ 我叫左LATTE~ 媽媽係Cuppacinno~ 好香滑~ 夠熱 ! 我飲咖啡一定要好熱~ 所以每次都會要求extra HOT

爸爸終於試到外國人既然係點既~ 其實都唔錯~ 幾鮮~ 好特別~ 好香草, 我上次係灣仔又係誤打誤撞叫左條烤魚, 好好食架~ 好多香草係入面~ 正 !

一睇就知係意大利飯, 個汁OK ! 好好味~ 唔記得咩汁喇~ 好似成日都轉架~ 我都係去到係咁問人~ 哈哈 !

TRAY PIZZA, 呢個PIZZA好得意架~ 好似大方飽咁上下SIZE~ 就自己揀三種料既, 我就要左蓄茄, parma ham, parmesan(cheese), 出奇地搭 ! 好味 ! 看似普通, 原來好好味~ 我仲等到最後先食佢~ 哈哈 !

beef~ 好正 ! 好淋滑~ 好推介 ! 我同妹妹兩個人開心share~哈哈~ 爸媽不吃牛的 (big grin)

黎張大合照先

好開心呀~~~ yeah ! 下次七月到細佬生日~ 都話我好鬼忙架啦 ! 八月又到我喇~~ 我七月勁多朋友生日~ 真係好開心~ 睇d相都知爸爸好開心咧~ lum死佢~ 最緊要爸爸媽媽身體健康~ 其他什麼都唔緊要~ 最緊要開心~ 預祝爸爸節快樂 !

Assaggio Trattoria Italiana
地址: 尖沙咀彌敦道118號Mira Mall 2樓 (尖沙咀B1出口轉右直行一個街口, 由TOMMY旁電梯直上)

之後我地兩姐妹去左行街街. 好開心呀 ! 兩姐妹好耐無一齊行街喇~ 妹妹今年畢業喇~ 終於要離開天堂, 面向人生另一頁, 加油 ! 到時搵多d~ 又可以一齊買多d~ 哈哈哈~ 我地買野好平架咋~ 左上角件衫 $68/件, 超抵~ 又舒服~ 兩條友C9上身~ 買買買~~~ 我肥得濟, 終於要買過D短褲, 然後再被大眾取笑~ 不過我OK既~ 因為我真係好肥~ 哈哈哈

出完旺角, 飲飲下野我同BIGGER講, 我好想去睇鴨仔呀 ! 你姐夫都無唸過陪我去, 反正出開黎, 隻鴨又就黎BYEBYE~ 而且我得返今日得閒睇, 就咁又坐車出返去尖沙咀 , 今晚都唔算多人呀! 我日落咁上下去到~ 見到隻鴨好得意呀 ! 真係好大, 見到佢好開心~

YEAH ! 成個人童真左, 哈哈哈 ! 好開心呀 ! 好彩我有去到咋~ 唔係我實後悔~ 係我寫呢篇卜既時候, 你已經走左唔知去邊LU~~ BYEBYE喇鴨仔 ! BIGGER仲帶我去影到雙鴨相~ 我講笑咁話今晚包鴨玩返晚, 老公你自己返屋企啦 ! 哈哈哈哈哈 (rolling on the floor)

感謝仙蒂小溫太提供以上資料
個人日誌: http://cindylittlemrswan.blogspot.hk/

鐘意SeeWide的分享，給我們一個Like吧！