Applegreen + Homemade Dinner

4 JUNE, 2013
這幾天都係同SUKI放同一日假, 正呀 ! 唔打唔撞約食LUNCH, 接住食完飯我地當然又係行街SHOPPING啦 ! 我地兩個一行街真係間間都入, 唔會放過任何一間鋪~ 哈哈哈~ 如果我地一齊去日本/韓國, 應該會癲左咁返香港 ! 哈哈哈~ 所以BILLY一直唔放我地兩個一齊去旅行架~ 佢話我地兩個走埋一齊會失控喎 ! 哈哈哈~ 其實唔會架~ 我地會互相控制架~ 哈哈哈 !
好~ 話說我十一點抽完血, 約定SUKI十二點~ 點知等到一點先出現, 我等到想屎~~ 因為有D唔太舒服(唔係大肚)~ 又凍~ 等到我呢~ 點知SUKI妹都黎, 岩哂~ 反正佢快將離港, 短聚一下傾下計都好~ 哈哈哈~ 今日我地約左去APPLEGREEN~ 聽聞DINNER是不錯的~ LUNCH我就覺得唔錯~~ 不過份量好似好細, 但女仔一定夠飽架喇~ 有埋餐飲+小雪糕~ 食完開心又滿足呀~



三個人 = 三個SET , SUKI妹H, 是傻婆一名~ 哈哈哈~

OH~ 好豐富呀 ! 最喜歡個寬通粉~ 好有咬口

SUKI 都無入過鏡, 哈哈哈 ! 食飽飽傾夠, 就去行街, 今次都有豐富收鑊, 不過行得一陣咋 ! 因為我四點先要閃返屋企呀 ! LUNCH期間就係我地既好朋友WAIWAI打俾我約食飯, 話唔等SUKI, 其實我地LUNCH緊~ 哈哈哈~ 好搞笑, 可惜SUKI今晚JOIN唔到我地~ 為左朋友~ 我今晚又煮飯喇~ 熱屎我喇~ 因為WAIWAI話未食過我煮既野~ ORDER左好耐, 今晚成全佢~ 哈哈哈 !
之後黃爸黃媽都殺到~ 哈哈哈~ 無所謂 ! 預夠數~ 我今晚煮左五個餸
‧蒸水蛋
‧蒜香雞翼
‧三杯茄子
‧泡菜雞卷
‧腐乳蒸排骨
嘩 ! 全部都係新野~ 我仲要跟住食譜煮~ 個雞卷同埋茄子唔太得~ 哈哈~ 食譜唔太岩~ (我新屎坑頭條新聞加錢$28換個本呢~ 唔太OK ! 哈哈哈) 就係咁, 有點失敗~ 不過都係我經驗唔夠姐~ 哈哈哈~ 蒜香雞翼跟MAY姐整架~ 我支雞汁買到放左好耐喇~ 蒸水蛋就好滑呢~ 好滿足

老公知有客到~ 買左個小甜品大家一齊開心SHARE~ BUT 栗子我最唔喜歡食的~

WAIWAI 好細心喔~ 都係買左小甜品上黎, 我最喜歡果撻呢~ 多謝哂~


恨左咁上黎食我餐飯~ 哈哈哈~ 今日時間有限呀! 下次先煮拿手菜你食啦 ! 其實我好喜歡為朋友煮飯的~ 下次約埋SUKI先~ 可以多D人開心D~

我可愛的黃BIBI~ 真係好得意架姐~ 黃BIBI一知道上黎我屋企, 開心到傻左呀 ! 好抵錫妹~~ 哈哈哈

感謝 仙蒂小溫太 提供以上資料
個人日誌: http://cindylittlemrswan.blogspot.hk/