小溫太下廚‧六餸一湯

3 APRIL, 2013
尋日返左一日工, 今日聽日都放假~~ 呵呵 ! 又可以做自己喜歡做的事喇~~~今日LUNCH同爸媽飲完茶之後, 就跟黃媽媽都買餸喇~~ 好耐無跟媽媽去買餸, 唸返起都已經係中學個陣喇~~ D 人都會話：黃太，你個囡呀！　好似你呀～　幾時生ＢＢ呀！！　（我頂～～）我阿媽就笑笑口：快架喇快架喇～　我就無言以對，微笑算！哈哈哈　我阿媽既快架喇？點快先？　不過都開心既，我每日都俾D BABY資料灌入腦, 原因係我D好同事, 哈哈哈 , 日日都祝我成功~ U KNOW~~ 要放鬆丫嘛!!!
好喇~~ 講講下又講左去生B~~ 講返我餐飯先啦~~~
買完就打的返我屋企喇~~ 黃媽媽真偉大, 幫我準備好哂所有野~~ 又切又洗~~事前功夫我係最討厭既~~ 所以話阿媽每日煮飯真係好辛苦架~~ 好偉大!!! 佢準備好, 我先埋位煮~~~ 又係同時間整好哂~~ 我蒸豆腐蒸到個鑊無水都唔知, 哈哈哈哈! 好驚~~~~ 幸好都無事~~
我的《六餸一湯》
‧避風塘炒大蝦
‧煎墨魚膠蘆筍
‧土匪雞翼
‧XO醬炒龍鬆豆
‧肉碎蒸豆腐
‧魚香茄子




【避風塘炒大蝦】我係胡李媽媽個BLOG度學既~ 不過我第一次整, 有D失手, D油唔夠熱唔夠多, 我炸唔起, 原來食落個味似, 不過D蝦肉會變霉, 我下次會再試！

【魚香茄子】又係我既拿手菜，我就鍾意呢款軟硬度，唔鍾意好淋，但我媽佢地鍾意，下次識做會煮淋ｄ！不過都好好味　


【土匪雞翼】：　簡單~~~但好耐無整，要睇返自己個BLOG黎跟住整~哈哈都話自己打黎俾自己睇返架啦 ! 哈哈 一樣係咁好味!
【煎墨魚膠蘆筍】：又係試新野～係胡李媽媽度學，好簡單又易整，將墨魚膠包住支蘆筍，拎去煎，我直接加海鹽同黑椒就上檯，快靚正！（有蘆筍剩就包埋煙肉）
【XO醬炒龍鬆豆】：簡單地將豆炒幾分鍾，加少少糖，加白酒，加水焗一陣，Ｄ豆熟左就加XO醬，咁就完成　

喂～開飯前影張相先～


BILLY揸機~~~ 多謝嘗面~~ 今次我煮飯就係為左SHADOW, COEY佢地話咁耐都未食過我整既土匪雞翼,哈哈~~ 其實我整過好多次,咁岩佢地都唔係度~~ 今次食到夠喇~~~ 朋友黎親我屋企我都要整土匪雞翼黎招呼佢地~~~

食飽又有麻雀耍樂~~~

大嬴家~~~ 走既時候係咪得返條小褲褲先~~~哈哈哈哈哈

嘩~~好認真咁款~~~

有新鮮菠蘿~~~


BILLY買左PAMA HAM~~ 今次好薄, YUMMY~~


黃家三姐弟, 大細佬今日唔得閒~~~ 原本留左飯俾佢 , 點知大家玩到二點先走, 個飯留返聽日食啦~~ 哈哈哈

我同COEY~~

BIGGER妹~~~ 同男友仔講電話咧~~~


玩到最後, 變左呢邊係鋤大DEE

呢邊打麻雀~~~~ 哈哈哈哈好瘋狂~~ 不過好開心~~~


話走既時候先記得仲有個蛋糕未食~~ 要食埋先走得~~~多謝SHADOW‧COEY


好好味喔!!! 真係好流既芒果~~~

東海堂D蛋糕越來越出色喇~~~