探險家攻略 > 節日 / 美食之旅 > 其他 / 餐廳 > celebrate our 1st wedding anniversary【明閣】

celebrate our 1st wedding anniversary【明閣】

由仙蒂小溫太於 2013-03-25 16:28:53 發表 | 累積瀏覽 1005

分類：其他餐廳；地區：旺角

攻略日期：2013-03-11

11 MARCH 2013

一年喇~ 時間過得好快, 當日既回憶記憶猶新, 真係好開心! 今日我地揀左去明閣度食晚飯, 因為已經唔想再食西餐, 而且睇過COMMENT都唔錯, 決定一試~ 我地兩個未試過去慶祝食中餐, 今次試完之後發覺中餐真係比西餐勝太多喇~ 下次有機會都會再黎【明閣】

時間尚早 , 餐廳既人唔算太多

用黎裝飾既碟好靚 

食中菜有杯靚茶, 真係太讚喇 !

【明閣】有自家製既XO醬, 不過我最記得其中一款係用菇整既, 好好味 !

有試食鵝肝脆豆腐 , 真係外脆內滑, 送上檯仲係熱辣辣, 好味 !

我上網見人地講呢隻蟹好味 ! 我地叫左一隻, 因為我唔食得蟹架不過都偷試左少少, BILLY話成隻蟹肉鑲返哂入去, 好好味 !

借黎影張相先啦~~~~

我地一共叫左三個餸, 係食唔哂既 ! 哈哈哈做人太貪心, 不過【明閣】D服務真係一流, serve我地個位真係好好禮貌,見我地食唔哂, 主動幫我地包起, 哈哈 ! 等我地傾下計後再上甜品 ~ 真係好SWEET呢~ 咁細心

好! 講返我地叫左三個餸, 有呢款檯檯都點既【龍皇披金甲】, 我地點左半客, 係蝦膠鑲落D魚肉, 真係好好食, 連個蝦頭都食得架 !

【海生蝦炒蛋白】我真係明知自己唔食得蝦, 都要試隻蝦, 真係好鮮甜, 好彈牙, 炒蛋白可以上檯都無油, 仲要非常之滑, 厲害 

【松露金鑲衣】個名好勁, 真係有名有實, 好好食! 其實呢道菜係雞肉, D雞肉打成膠, 底面鑲返雞皮再去煎, 我初初食唔知係松露, 望返個名先知道

其實我地未食到甜品已經好好好好好飽 , 不過傾傾下計, 突然有人同我地講HAPPY BIRTHDAY, 仲送上甜品, 不過我地唔係生日搞錯左, 佢地即刻收返個甜品, 仲送左個芝士撻俾我地, 我食左一粒, D芝士味好濃, 不過好膩 , 一粒就夠喇 !

其實甜品無變, 係塊牌仔寫錯左, 好細心驚我地影唔到相, 唔放煙住 YEAH! 我地終於結左婚一年喇~ 好開心~ 個1字我自己帶去架~ 哈哈哈

好靚呢~ 呢道甜品叫【燕晶凝】其實好似芒果布甸MIX JELLY, 但就加左D燕窩, 連埋效果, 真係值得

多謝你呢一年來既包容, I LOVE U

特別禮物, 竟然有花收
下午老公返左工, 我就返屋企訓覺, 訓醒老公返黎, 仲帶左紮花俾我多謝你其實我岩岩訓醒無咩反應, 其實我好開心架 ! 多謝你~

******************* 笑料一則 :有BLOGGER友提醒左我, 原來酒店將''PAPER'' WEDDING 寫成 ''PAPPER'' WEDDING , 哈哈哈實在係大錯 ! 最錯既係我一直都無發現, 我實在被開心沖昏我個笨腦, 當我同billy講佢都話無留意度~ 果然係兩公婆~~ 哈哈哈不過都幾特別丫, 別人過PAPER, 我過人地無既PAPPER~~~ 哈哈哈哈