老公生日 ♥ 【一品雞煲】

3 MARCH, 2013

YEAH ! 終於黎到三月喇 ~ 三月頭我地兩老婆都非常精彩呀!!! 首先係聽日就係老公生日, 當然要慶祝一下, 下星期就係我地結婚一週年喇真係好開心好興奮既一個月呀! 聽日我地兩個人慶祝~ 今日就係我屋企人同BILLY食餐飯~ 多謝哂WONG'S FAMILY 主角當然開心~ 大家咁有佢心~~
今日我地去左想食好耐既【一品雞煲】, 真係超YUMMY 日日都食好野~ 呢餐真係堅飽, 飽到第二日完全唔想食野~ 哈哈哈真係超誇張呀!
我地今次八個人 ORDER左兩隻雞煲, 兩隻小辣小麻~~ 見到又想去喇~ 哈哈哈而且比起打邊爐, 食雞煲真係豐富好多~~ 首先要我地食哂D 雞之後再加湯, 不過會好淡, 又或者加$10要雞汁, 個味即刻濃返~ 好好味!!!

福頭壽星公

CHRIS今次都JOIN埋我地 HAPPY TOGETHER

我地未食之前, 見到旁邊D檯, 實有人飲呢杯超巨型凍檸茶 , 仲要用HOEGAARDEN既杯黎裝~ 真係勁~ 可以兩個人SHARE一齊飲~

溫生咩料~ 樣衰衰咁~~ 真係好大杯架~ 唔係講笑呀~

等我介紹下我地食左咩咁飽啦~~~ 有蝦滑+墨魚滑 , 好彈牙爽口~

BIGGER介紹一定要叫既蛋麵, 真係吸哂D汁~~~超級彈牙入味~~

篙筍爽甜~~

食雞煲我個人認為一定要叫呢個土豆片, 我鍾意浸到淋哂最岩我

推介一定要叫既牛坑腩, 非常香淋~ 超正

媽媽 + 大細佬

大細佬又扮野佢姐夫都唔例外~ 好KAI~

食雞食到停唔到手~ 返到公司已經極力推介大家去食~ 而且好方便, 地方夠大~ 8個人以上可以訂檯

一品雞煲火鍋
地址: 土瓜灣馬頭角道28號地庫

因為太飽既關係, 我地連蛋糕都無食就返屋企喇~ 就係咁, 個蛋糕由屋企到一品再到屋企, 就變成咁喇~ 好大既驚喜 , 個蛋糕竟然散哂~ 好明顯係推過做成~ 唉~ 算啦~~ 原本個名牌係下面, 我搬返D士多啤梨返原位之後, 再放塊版上去, 咁先無咁樣衰架~ 唉~~

原本個蛋糕係咁既~~ 哈哈不過一樣咁好味~ 無所謂啦~~