探險家攻略 > 興趣體驗 / 美食之旅 > 繪畫 / 餐廳 > 遊中環ART JAM【唐三樓】

遊中環ART JAM【唐三樓】

由仙蒂小溫太於 2013-02-17 17:26:53 發表 | 累積瀏覽 1452

分類：餐廳繪畫；地區：中環

攻略日期：2013-01-27

27 JANUARY, 2013

終於到星期日放喇~~ YEAH ! 等左好耐可以有時間兩個人拍下拖喇 ! 平時放假都約哂屋企人朋友, 今次可以偷返少少私人空間去拍拖~~ 開心開心~~~ 同老公去左友記食個車仔麵滿足下我, 因為好耐好耐好耐無食喇 ! SO MISS 友記~~~
食完之後就出發去中環喇~~ 因為今日約埋妹妹一齊去玩ART JAM呀! 其實之前買左團購好耐架喇~ 一直忘記BOOK, 自此之後我都唔會再幫襯團購, 因為我真係好懶去拎任何買左既PRODUCT! 哈哈哈
其實今次玩ART JAM既地方既中環, 其實唔難搵~ 係石板街附近, 基本上行半山電梯已經上到去, SO EASY~~~ 不過呢事緣我去BOOK呢間ART JAM【唐三樓】發生左唔太愉快既事件, 就係我打電話去做BOOKING, 負責人許小姐係BOOKING時既態度係十分差, 而且唔禮貌, 我由BOOKING個刻開始好後悔買左, 但係我地俾機會佢, 上去試下, 我不停提自己保持禮貌, 唔好同佢計較~~ 直到上左去, 由畫畫開始, 負責人許小姐仍然係KEEP住呢種態度去對待任何人, 不過我發現原來佢真係有藝術家既性格, 我相信佢個人本心唔係壞既, 只係唔識點同人相處既態度, 當我地好禮貌時, 佢都變得有禮貌左, 令到成個氣氛唔同左, 大家都好開心咁去畫~~~ 不過藝術家還藝術家~ 做生意就係做生意, 以禮待人都係做人應該有既 !
好 ! 講完感受, 開始我地既ART JAM之旅 ~~~

YEAH ! 拍拍拖好開心

蘭貴坊 ~ wow~ 咁大個心提醒大家情人節快到喇~~

途經石板街, 之後搞結婚, 經常係中上環遊走, 而老公對呢邊都係非常熟識~~ 好想搵日去呢邊影下相先~~

小綠屋

好快就到【唐三樓】

嘩哈哈 ! 完全無藝術天份的夫妻

好多顏料~

Bigger 同 Chris 努力中 !

Chris畫得似模似樣啵~

yeah ! 同bigger都努力中~~~~

Billy 亂咁畫, 真係零藝術呀 !!! 真係到呢一刻都睇唔明, billy話藝術家無咁容易明喎 ~~~

嘩哈哈~ 我都完成~ 其實我畫緊既時候覺得自己畫得好靚架, 畫好多細緻位, 點知出黎發現好似小學雞呀!!! 哈哈哈哈佢地笑我好似小學生畫畫咁呀 !! 要家俾老師睇個款~~ 哈哈哈哈哈 (PS: 其實BILLY著到咁好似賣豬肉多D ! )

YEAH ! 完成喇 ~~~~ 左手邊個副畫係CHRIS畫架~~ 真係好勁呀 ! 同我地比~~~~ 我地好屎呀!!

CHRIS 的作品

左邊係BILLY既豬肉佬的作品, 右邊係BIGGER既好似日落畫 ! 哈哈

望下其他人既作品先~~~ 嘩 ! 好靚呀

其實我係跟住張相畫架~ BUT真係無1%似~ 哈哈哈

YEAH ! 影張合照先~~~ 開心開心 !

大家玩得咁開心, 其實TOTAL有3 HRS既, 我地只係用左2 HRS就搞掂LU~~~~~
畫完一齊去食野~~~ 原本去蘭香園~ 點知無開, 最後去左【牛記茶室】好多小菜~~

凍檸茶~~ 好難飲呀! 好似水喉水開咁既

不過小菜就幾好味啵~~~ BIGGER最愛 ! 外脆內滑~~~ 好正呀 !

招牌菜煎肉餅, 好好送飯~~~ 外面脆卜卜架~~

仲有個京都肉排, 唔似平時d茶餐廳用豬扒, 呢款真係肉排, 厚好多 ! 好好味呀 !

YEAH ! 有得食就最開心~~~

食飽我地就分開行喇~~ 我地去金鐘行下, 睇下有無戲睇~~

點知AMC好FULL 無哂飛~~~ 唯有影張相就算LU~~~ 好大棵桃花呀好靚呀 !!!!