續寫第四天行程啦~
會有一個小小o既體驗活動
羅東鎮農會養生觀光工廠本身好近我地旅館,
10分鐘步程左右, 係我地開頭行錯左去另一個羅東鎮農會 (似銀行o既地方),
下次睇 google map 要小心 d ~ 睇埋地址先得
正確地址係: 宜蘭縣羅東鎮倉前路 14 號
網上我地預約左DIY 體驗內容, o黎到比埋錢就ok啦
DIY 內容如下:
大家坐定定聽介紹, 有豆類飲品試飲
共 5支即係我地一人飲一支!
根據甜度逐支試~ 我覺得支支都唔錯
聽說香港點點綠都有得賣
勸君更進一杯奶
飲完豆奶仲有皮蛋試食~
呢個好掂!! 婆婆同阿姨即刻話要買返香港~
試食大會之後係 我地o既DIY 項目啦,
我 BOOK 左o既係整豆花,
目的係小朋友玩, 我覺得呢個應該算易 HANDLE
首先, 有包唔知咩粉 (石膏粉?!) 用水開稀
小朋友自己OK!
跟住主持人教點樣"撞" D 豆奶落去
豆奶預熱左, 好熨手, 小朋友唔可以自己整啦~
我地大人代勞, 話咁快"撞完"
之後就係等20分鐘
小齊話: 下, 咁快玩完?! (係囉, 好快~)
等待時間我地去SHOPPING, 觀光工廠旁邊就係賣產品o既地方
頭先勁讚o既皮蛋~ 佢地買左 6盒!!
睇o黎真係好鍾意~haha
葡萄買左一盒, 開頭以為得 2 抽,
後尾發現原來有 2層咖!! 即係有4抽, 真係好抵食!!
仲好甜, 小齊次次都食到唔停口~
買完o野食就返去睇睇d 豆花變成點
有紅豆湯做佐料
溝埋一齊食
口感同我o係香港食開果d有d唔同,
我覺得香港果d 滑d, 入口即化,
呢度呢d 要o趙o趙~ 我覺得係布甸feel o既豆花
小齊都試左幾啖, 佢話雖然唔係好好食, 不過整o既過程幾得意
總括o黎講係又平又正o既體驗 ~
下一站係宜蘭渡小月
久聞渡小月大名, 上次o黎宜蘭無緣品嚐,
今次一早訂定枱o黎食lunch
天氣太熱, 扇不離手
呢度好似冇乜菜譜,
waiter 叫我地見咩點咩
下? 咁奇咖?!
最後o係佢推介下點左幾款宜蘭地方菜
最出事係呢個叫 "糕渣" o既物體,
起初剩係聽到咩豬肉, 雞肉咁上下o既材料,
令我以為係肉o黎, 但原來係類似炸一pat 無乜味o既肥膏o既口感,
恕我唔識欣賞...
其他食物叫 ok啦, 但坦白說無驚喜
到此一遊 ~ 應該冇下次~
影影我地今日著親子裝~
食飽又未夠鐘check in 再o係附近搵地方行行
好彩自駕遊可以好方便搵地方hea hea
沿途風景靚~
呢度賣各式各樣o既糖
相信好多人都收過呢度o既手信
唐伯虎o既奇毒!! 一日冚包散 (我覺得廣東話傳神d喎~)
行左陣 (主要目的係嘆冷氣) 又買少少糖比小齊o的 friends 之後我地就出發去今晚o既酒店啦
呢間酒店簡直係今次呢個TRIP o既一大亮點 !!
唔止小孩, 連我自己都好期待!
待續~
是日靚衫: KENZO KIDS
親子旅遊小確幸台灣 TRIP 其他文章:
齊 ~ 閱讀樂
