倆首到長洲

2012 - 9 - 16
倆首到長洲，代表我地兩個首次到長洲。。。其實香港有好多地方島嶼我地都未一齊去過，計計下下個月已拍左拖七年喇！今次先第一次去長洲，真係唔記得平時去邊HEA ！哈哈！好開心好開心可以出發。。。結左婚之後我真係好在意二人世界，可能同奶奶住覺得少左D FEEL，遲下生埋baby更加少之又少。。。我呢加真係好痴身咁痴實老公。。。好變態
出發。。。

一去到即刻有船，我地坐快船，around 30mins就到長洲

長洲我有成十二年無黎過喇！！你好嗎？？當年既我仲係一個小六既學生，黎長洲宿營七日，唔知大家有無呢D經驗。。。個時好開心架，我仲記得有日要自己去買餸，應該唔使煮，真係忘記，但就記得爸爸、媽媽個日入左黎探我地真係好開心，好掛住爸爸、媽媽，先知要獨立真係有D痛苦，畢竟我地都係港孩始袓

行下兩邊海旁路。。。就中秋喇！人月兩月。一生幸福

向左邊一直行。。。經過埋D海餐廳鮮。。。沿途見到好多人踏單車。。。老公就問我想唔想踏其實我地兩個未一齊踏過單車，所以又好！！反正未試過就一齊開心下我地揀左呢間恩記，唔太推介！！！因為D車爛既，睇落去就明架喇！＄30，一點踏到七點！

老公揀車。。。

完全無準備，仲著拖鞋短褲，PK都唔知點算

爛車。。。

其實一開車出發好開心，真係好涼好爽好快！！又唔辛苦，人地行路我有車wor！點計都快D
經過海灘，去影下相先。。。

個沙灘無人既。。。但好曬

我的粉紅戰車

老公既紅色戰車

沿途有班青少年幫我地影左張相。。。THANK YOU

踏左一圈圈，決定去碼頭另一邊睇睇。。。
紫背天葵茶，好飲。。。酸酸甜甜又解渴

忘記幾錢支添。。。

踏踏下經過街市，又再踏去西邊海旁。。。

好多小船泊岸