天氣凍凍地咁.. 硬係想食多d野咁… haha!
冬天果然係養脂肪既最好季節~~~
食飽晚飯~突然想整個甜品食下..
打開個雪櫃~~ ummm.. 已經搵到最簡單既材料~呵呵!
一於整個【冰糖鮮奶燉蛋】*
![]()
(2人份量) 材料只需要: 牛奶1碗, 蛋2-3隻, 冰糖小小
做法~易到無朋友~ 味道絕對容易控制~ 最要注意既只係整得滑唔滑~
![]()
1. 將牛奶用中細火煮熱~(係熱..唔係大滾…)
2. 加入岩自己份量既冰糖
3. 待糖溶晒係牛奶度, 就可以裝起, 攤凍小小…
![]()
4. 發好蛋之後, 將蛋液過篩加入牛奶中 (會滑d架)
** (自己留意溫度啦…無理由d奶熱辣辣都照加入去整熟架嘛)… =.=”
5. 拌勻, 倒入容器, 用匙羹取走蛋汁面果d泡泡~~
6. 用保鮮紙封住碗面…熱鑊煲滾水, 滾起後轉中火先放鮮奶燉蛋入去, 用中火隔水蒸 8-10分鐘 (如果用大火蒸, 會容易老.. d蛋無咁滑架~~~)
最緊張既時刻就係… 完成後揭開保鮮紙果一刻~!!!*
見到成品滑一滑~~~ 真係好開心!! ;都幾有滿足感架~~* hehee!!
食完個暖笠笠~ 滑嘟嘟既【冰糖鮮奶燉蛋】~覺得自己好幸福~hahahaha!!
可以去 Facebook搵我丫~~~*
https://www.facebook.com/kpigkitchen
